ԱԳ նախարարութիւն են կանչւել Գերմանիայի եւ Ֆրանսիայի դեսպանները, որոնց փոխանցւել է Իրանի խիստ բողոքը յայտնի ահաբեկչական տարրին սատարելու մասին ԵՄ կողմնակալ յայտարարութեան վերաբերեալ:
«alikonline.ir» - ԱԳ նախարարութիւն են կանչւել Գերմանիայի եւ Ֆրանսիայի դեսպանները, որոնց փոխանցւել է Իրանի խիստ բողոքը յայտնի ահաբեկչական տարրին սատարելու մասին ԵՄ կողմնակալ յայտարարութեան վերաբերեալ:
Ինչպէս տեղեկացրել է ԱԳՆ պաշտօնական ներկայացուցիչ Սայիդ Խաթիբ Զադէն, դեսպաններին ընդունել է ԱԳՆ Եւրոպայի վարչութեան պետը, որոնց փոխանցել է ԵՄ կողմնակալ յայտարարութեան վերաբերեալ Իրանի խիստ բողոքը:
«Ցաւալի է, որ մարդկային վեհ արժէքները դարձել են գործիք այն կառավարութիւնների ձեռքում, որոնք ամէն ինչ, այդ թւում՝ մարդու իրաւունքներն ու խօսքի ազատութիւնը, իրենց անհեռատես քաղաքական նպատակների գործիքն են դարձրել»,- ասել է Խաթիբ Զադէն:
