Հա

Քաղաքական

07/02/2021 - 12:10

«Թեհրանը եւ Մոսկւան վճռակամ են զարգացնելու երկարաժամկէտ համագործակցութիւնը». ռուս անւանի արեւելագէտը՝ ԻՌՆԱ-ի հետ զրոյցում

Ռուս անւանի արեւելագէտ, Իրան-Ռուսաստան բարեկամութեան ասոցիացիայի նախագահ Ալեքսանդր Պալիշոկը ԻՌՆԱ-ի հետ զրոյցում նշել է, որ Իրանն ու Ռուսաստանը վճռակամ են ընդլայնել երկարաժամկէտ յարաբերութիւններն ու համագործակցութիւնը` ելնելով փոխադարձ շահերից:

«alikonline.ir» - Ռուս անւանի արեւելագէտ, Իրան-Ռուսաստան բարեկամութեան ասոցիացիայի նախագահ Ալեքսանդր Պալիշոկը ԻՌՆԱ-ի հետ զրոյցում նշել է, որ Իրանն ու Ռուսաստանը վճռակամ են ընդլայնել երկարաժամկէտ յարաբերութիւններն ու համագործակցութիւնը` ելնելով փոխադարձ շահերից:

«Չնայած որոշ կանխատեսումների, Կորոնավիրուսի բռնկման ընթացքում Իրանի եւ Ռուսաստանի համագործակցութիւնն արագացել է, եւ Կասպից ծովի տարածաշրջանի երկու հարեւան պետութիւնների պաշտօնեաները աւելի վճռական են տրամադրւած այս համագործակցութեան ընդլայնման հարցում»,- ասել է Պալիշոկը՝ յաւելելով. «Իրանի եւ Ռուսաստանի միջեւ համագործակցութեան եւ ռազմավարական գործընկերութեան զարգացման կարեւոր փաստ է իրանական երկու պատւիրակութիւնների միաժամանակեայ այցը Ռուսաստան, մասնաւորապէս՝ Իսլամական խորհրդարանի պատւիարկութեան այցը, խորհրդարանի նախագահ Մոհամմադ Բաղեր Ղալիբաֆի գլխաւորութեամբ, որի համար մշկւել են լայնածաւալ ծրագրեր»: 

Ռուս անւանի արեւելագէտն անդրադառնալով Առողջապահութեան նախարարութեան պատւիրակութեան այցին Ռուսաստան նշել է. «Այս այցը յատուկ կարեւորութիւն ունի՝ հաշւի առնելով «Սպուտնիկ» ռուսական պատւաստանիւթի առաջին խմբաքանակի առաքումն Իրան»: 

Ըստ նրա՝ ընտրելով «Սպուտնիկ» ռուսական պատւաստանիւթն Իրանը ցոյց տւեց իր վստահութիւնը Ռուսաստանին, եւ կասկածից վեր է, որ երկու երկրների միջեւ փոխվստահութեան մակարդակը կը բարձրանայ, որն ապագայում կարող է լաւ հիմք հանդիսանալ ռազմավարական գործընկերութեան ընդլայնման համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։