Հա

Քաղաքական

01/03/2021 - 08:30

ԱԳՆ է կանչւել Թուրքիայի դեսպանը

ԱԳ նախարարութիւնը կոչ է արել Թուրքիայի կառավարութեանը լուրջ միջոցներ ձեռնարկել՝ կանխելու համար ահաբեկչական խմբաւորումների տարրերի մուտքը Իրանի Իսլամական Հանրապետութեան տարածք: 

«alikonline.ir» - ԱԳ նախարարութիւնը կոչ է արել Թուրքիայի կառավարութեանը լուրջ միջոցներ ձեռնարկել՝ կանխելու համար ահաբեկչական խմբաւորումների տարրերի մուտքը Իրանի Իսլամական Հանրապետութեան տարածք: Նախարարութեան տեղեկատւութեան եւ հանրութեան հետ կապերի վարչութիւնից տեղեկացրել են, որ Իրանի տարածքում ՔԲԿ ահաբեկիչների առկայութեան մասին Թուրքիայի ներքին գործերի նախարարի յայտարարութեան կապակցութեամբ, փետրւարի 28-ին նախարարութիւն է կանչւել Իրանում Թուրքիայի դեսպանը, որին է փոխանցւել մեր երկրի պաշտօնական բողոքը: 

Այս հանդիպմանը անդրադառնալով ահաբեկչութեան դէմ պայքարի գործում Իրանի Իսլամական Հանրապետութեան լուրջ վճռականութեանը եւ մեր երկրում ահաբեկչական խմբաւորումների գործողութիւններին, ինչը յանգեցրել է մեծ թւով խաղաղ քաղաքացիների նահատակութեանը, Թուրքիայի դեսպանին հաղորդւել է, որ Իրանի տարածքում ՔԲԿ ահաբեկիչների առկայութեան մասին Թուրքիայի ՆԳ նախարարի յայտարարութիւնն Իրանի համար անընդունելի է եւ հակասում է երկու երկրների համագործակցութեանը:

Հանդիպման ընթացքում Իրանը պատրաստակամութիւն է յայտնել ամրապնդելու երկկողմ համագործակցութիւնը՝ սահմանային գօտում ահաբեկչական խմբաւորումների դէմ պայքարի գործում: Միեւնոյն ժամանակ, Թուրքիայի դեսպանից պահանջւել է լուրջ միջոցներ ձեռնարկել` կանխելու համար ահաբեկչական խմբաւորումների տարրերի մուտքը Իրանի Իսլամական Հանրապետութեան տարածք: 

Թուրքիայի դեսպանին է փոխանցւել նաեւ Իրանի դժգոհութիւնն Իրաքում Թուրքիայի դեսպանի անհիմն յայտարարութիւնների կապակցութեամբ՝ ընդգծելով երկրների տարածքային ամբողջականութեան եւ ինքնիշխանութեան յարգումը՝ որպէս միջազգային յարաբերութիւնների հիմնարար սկզբունք:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։