Հա

Քաղաքական

12/04/2021 - 11:30

«Եգիպտաթուրքական հակասութիւնը կարող է յայտնւել տիպաբանօրէն նոյն այն վիճակում, ինչ՝ ռուս-թուրքական եւ իրանաթուրքական յարաբերութիւններն են». Վարդան Ոսկանեան

ԵՊՀ իրանագիտութեան ամբիոնի վարիչ Վարդան Ոսկանեանը «Ֆէյսբուք»-ի իր էջում գրել է.

«alikonline.ir» - ԵՊՀ իրանագիտութեան ամբիոնի վարիչ Վարդան Ոսկանեանը «Ֆէյսբուք»-ի իր էջում գրել է.

«Մեզանում գրեթէ ուշադրութեան չարժանացավ Մերձաւոր Արևելքում տեղի ունեցող մի չափազանց կարեւոր գործընթաց։

Մարտի կէսերին Թուրքիայի արտգործնախարարը յայտարարեց, որ Անկարան եւ Կահիրէն դիւանագիտական մակարդակում վերսկսել են շփումները, որոնք ընդհատւել էին 2013թ․ ի վեր, երբ Եգիպտոսում գեներալ Աբդ ալ-Ֆաթթահ ալ-Սիսին իշխանութիւնից հեռացրեց էրդողանական վարչախմբի հետ «գաղափարական եղբայրութիւն» ունեցող Մուհամմադ Մուրսիին։ 

Միւս կողմից անցեալ շաբաթ եգիպտաթուրքական երկխօսութիւն ծաւալւեց նաեւ «Մահմեդական ութնեակի» վեհաժողովում, ինչը եւս ցուցիչ է, որ Կահիրէն կարծես համաձայն է երկկողմ յարաբերութիւնները թշնամականից գոնէ մրցակցային ասպարէզ տեղափոխելուն։ 

Ինչո՞վ է այս ամէնը կարեւոր Հայաստանի շահերի առումով։ Բնականաբար նրանով, որ Եգիպտոսը դիտարկւում էր որպէս հակաթուրքական առանցքի ձեւաւորման կարեւոր հիմնասիւն, մինչդեռ էրդողանական վարչախումբն ակտիւ ջանքերով փորձում է չէզոքացնել յատկապէս Աթենքի գործողութիւններն այդ ուղղութեամբ։

Սա ամենեւին չի նշանակում, թէ եգիպտաթուրքական հակասութիւնների բաւական բարդ համաբոյլն այլեւս գոյութիւն չունի, սակայն ակնյայտ է, որ դա կարող է յայտնւել տիպաբանօրէն նոյն այն վիճակում, ինչ, դիցուք, ռուս-թուրքական եւ իրանաթուրքական յարաբերութիւններն են, որոնք խորքային իմաստով պարունակում են թէ՛ մրցակցության, թէ՛ գործակցութեան եւ թէ՛ պարբերաբար մակերեւոյթ սպրդող թշնամանքի տարրեր»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։