Հա

Քաղաքական

18/04/2021 - 12:45

Դիրքորոշման ծանուցում կամ հրապարակում

9 նոյեմբեր 2020-ին Հայաստանի, Ազրպէյճանի եւ Ռուսիոյ ղեկավարներու հրապարակած եռակողմ յայտարարութեամբ ԵԱՀԿ-ի Մինսքի խմբակի համանախագահներու ձեւաչափին կողքին ստեղծուեցաւ նոր ձեւաչափ մը: Ռուսիոյ նախագահ Վլատիմիր Փութին յայտարարեց, որ ինք է այդ յայտարարութեան կէտերուն հեղինակը: Ռուսական կողմը, նոյն ատեն, չբացառեց համանախագահներուն դերակատարութեան շարունակութիւնը:

ՎԱՀՐԱՄ ԷՄՄԻԵԱՆ

 

9 նոյեմբեր 2020-ին Հայաստանի, Ազրպէյճանի եւ Ռուսիոյ ղեկավարներու հրապարակած եռակողմ յայտարարութեամբ ԵԱՀԿ-ի Մինսքի խմբակի համանախագահներու ձեւաչափին կողքին ստեղծուեցաւ նոր ձեւաչափ մը: Ռուսիոյ նախագահ Վլատիմիր Փութին յայտարարեց, որ ինք է այդ յայտարարութեան կէտերուն հեղինակը: Ռուսական կողմը, նոյն ատեն, չբացառեց համանախագահներուն դերակատարութեան շարունակութիւնը:

Նոյեմբեր 9-ի ձեւաչափի գոյութիւնը հարցականներ ստեղծեց, թէ երկու ձեւաչափերը համատեղելի՞ են, զիրար պիտի ամբողջացնե՞ն, եւ ի՞նչ պիտի ըլլայ իւրաքանչիւրին դերը: Նոյեմբեր 9-ի ձեւաչափի դերակատարութիւնը նշուած է եռակողմանի յայտարարութեան 9 կէտերուն մէջ: Ուրեմն ի՞նչ պիտի ըլլայ համանախագահներուն դերը, անոնք մասնակից պիտի դառնա՞ն Ռուսիոյ ինքնագլուխ միջնորդութեամբ գոյացած այդ կէտերու գործադրութեան:

Ռուսիոյ Դաշնակցային խորհուրդի միջազգային հարցերու յանձնախումբի նախագահ Կրիկորի Քարասին` ռուսական «Քոմմերսանթ» օրաթերթին հետ հարցազրոյցի ընթացքին փոխանցեց այդ բոլորին վերաբերեալ Մոսկուայի պատկերացումը: Քարասին պատասխանելով այն հարցումին, թէ արդեօք կը նախատեսուի՞ Արցախի հոլովոյթներուն մէջ ներգրաւել ԵԱՀԿ-ի Մինսքի խմբակի համանախագահները, յայտնեց, որ ԵԱՀԿ-ի Մինսքի խմբակի համանախագահները կրնան «օգտակար դեր» խաղալ Արցախի մէջ կացութեան կարգաւորման հարցին մէջ:

Ան նշեց, որ «Ռուսիոյ նախագահին նախաձեռնութեամբ կը շարունակուի քաղաքական հարցերու քննարկումը, հանգուցալուծումներու որոնում տեղի կ՛ունենայ», ինչպէս նաեւ յայտնեց, որ ներկայիս հարցերու հիմնական զանգուածը առնչուած է մարդասիրական խնդիրներու, պատերազմական գերիներու փոխանակման աւարտի, զոհուածներու մարմիններու վերադարձի, գաղթականներու եւ անոնց բնակութեան համար պատշաճ պայմաններու ստեղծման` աւելցնելով, որ սուր է նաեւ Արցախի տարածքի եւ ատոր շրջակայքի ականազերծման հարցը:

Այլ խօսքով` Ռուսիոյ նախկին պետական քարտուղարն ու արտաքին գործոց նախկին փոխնախարարը  ընդգծեց, թէ քաղաքական հարցերու քննարկումն ու լուծումը Ռուսիոյ` անձնապէս Փութինի մենաշնորհն է, իսկ ԵԱՀԿ-ի Մինսքի խմբակի համանախագահները` Ռուսիան, Միացեալ Նահանգներն ու Ֆրանսան կրնան «օգտակար դեր խաղալ» մարդասիրական խնդիրներու լուծման մէջ:

ԵԱՀԿ-ի Մինսքի խմբակը այդ փաստաթուղթի գործադրութեան հիմնական ձեւաչա՞փը պիտի ըլլայ, թէ՞ միայն օժանդակ ձեւաչափ մը: Միացեալ Նահանգներն ու Ֆրանսան պիտի ուզե՞ն Ռուսիոյ ինքնագլուխ միջնորդութեամբ գոյացած փաստաթուղթի մարդասիրական բնոյթի կէտերու գործադրման հոլովոյթին մասնակից` իմա Մոսկուայի յաջողութեան ապահովման գործիք դառնալ: Անշուշտ ո՛չ:

Քարասինի հարցազրոյցը ենթադրել կու տայ, թէ ԵԱՀԿ-ի Մինսքի խմբակի դերակատարութեան շուրջ բանակցութիւններ տեղի կ՛ունենան կամ շուտով տեղի պիտի ունենան, եւ ռուսական օրաթերթին հետ անոր հարցազրոյցը Քրեմլինի կողմէ կազմակերպուած էր ռուսական կողմի դիրքորոշումը ծանուցելու կամ հրապարակելու համար:

 

«Ազդակ»

Յարակից լուրեր

  • Ռուսիոյ ընդհանուր քաղաքականութիւնը Սուրիոյ, Արցախի եւ Ուքրանիոյ մէջ
    Ռուսիոյ ընդհանուր քաղաքականութիւնը Սուրիոյ, Արցախի եւ Ուքրանիոյ մէջ

    Ինչպէս որեւէ այլ պետութիւն՝ Ռուսիան կը ձգտի իրագործել իր ազգային շահերը, որոնք հիմնուած են իր պատմութենէն՝ ռուս-թաթարական, ռուս-պարսկական, ռուս-թրքական պատերազմներէն ու Նափոլէոնի եւ նացիական Գերմանիոյ ներխուժումներէն բխող անոր աշխարհաքաղաքական պատկերացումներուն եւ այդ պատմական փորձառութենէն ծնունդ առած թշնամիներով շրջապատուած ըլլալու անապահովութեան զգացումին ու սպառնալիքներու վերաբերեալ ըմբռնումներուն վրայ։

  • Իրանեան գործօնն ու «Զանգեզուրի միջանցք»-ը
    Իրանեան գործօնն ու «Զանգեզուրի միջանցք»-ը

    Իրանի Իսլամական Հանրապետութեան եւ Ազրպէյճանի միջեւ ստեղծուած լարուածութիւնը իր վրայ կեդրոնացուց լուսարձակները՝ նկատի ունենալով ուժանիւթի եւ ապրանքներու տարանցման համար Հարաւային Կովկասի ներկայ հանգուցային կարեւոր դիրքն ու ռուս-թրքական եւ ռուս-պարսկական շահերու բախման ու պատերազմներու պատմական թատերաբեմը ըլլալուն իրողութիւնը։

  • Ֆրանս-Ամերիկեան տագնապն ու Մինսքի խմբակի համանախագահութեան ձեւաչափի մօտալուտ վերականգնման հեռանկարը
    Ֆրանս-Ամերիկեան տագնապն ու Մինսքի խմբակի համանախագահութեան ձեւաչափի մօտալուտ վերականգնման հեռանկարը

    Հայաստանի մէջ Միացեալ Նահանգներու դեսպան Լին Թրէյսի 15 սեպտեմբերին յայտարարեց, որ իրենք Արցախի կարգավիճակի հարցը լուծուած չեն նկատեր` աւելցնելով. «Համապարփակ լուծման կարիք կայ»:

  • Բզեզի պատմութեան կրկնութի՞ւնը, թէ՞ աւելին
    Բզեզի պատմութեան կրկնութի՞ւնը, թէ՞ աւելին

    Վրաստանի վարչապետ Իրաքլի Ղարիպաշվիլի 8 սեպտեմբերին Թիֆլիսի մէջ Նիկոլ Փաշինեանի հետ մամլոյ ասուլիսի ընթացքին յայտարարեց. «Թիֆլիս պատրաստ է Երեւանի եւ Պաքուի միջեւ միջնորդի դեր ստանձնելու, ներառեալ` գերիներու վերադարձի հարցին մէջ» եւ յիշեցուց 13 յունիսին Ազրպէյճանի մէջ պահուող 15 հայ գերիներու Վրաստանի ճամբով Հայաստան վերադառնալու մասին:

  • Աֆղանիստանի զարգացումներուն ազդեցութիւնը
    Աֆղանիստանի զարգացումներուն ազդեցութիւնը

    Միացեալ Նահանգներու նախագահ Ճօ Պայտըն 14 ապրիլին յայտարարեց Աֆղանիստանէն ամերիկեան ուժերու հեռացումը` այդպիսով վերջ տալով ամերիկեան պատմութեան մէջ ամէնէն երկարատեւ պատերազմին: Սպիտակ տունը յոյս ունի մայիսին սկսած այդ հոլովոյթը իր աւարտին հասցնելու օգոստոսի վերջաւորութեան: Մինչ այդ Թալեպան շարժումը վերաշխուժացաւ, եւ ըստ կարգ մը տուեալներու, արդէն իսկ գրաւած է երկրին 65 առ հարիւրը: «Ուաշինկթըն Փոսթ» հաղորդեց, որ ըստ Փենթակոնի գնահատման, թալեպանները 30-90 օրուան ընթացքին պիտի գրաւեն երկրի մայրաքաղաք Քապուլը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։