Հա

Քաղաքական

07/07/2021 - 10:00

«Մտահոգւած ենք, որ Իրանը մինչեւ 20% մետաղական ուրան հարստացնելու մտադրութիւններ ունի»․ ԱՄՆ պետդեպի խօսնակ

ԱՄՆ իշխանութիւնները մտահոգւած են, որ Իրանը ՄԱԳԱՏԷ-ին տեղեկացրել է որպէս ռէակտորային վառելիք օգտագործելու համար մինչեւ 20% մետաղական ուրան հարստացնելու մտադրութեան մասին: 

«alikonline.ir» - ԱՄՆ իշխանութիւնները մտահոգւած են, որ Իրանը ՄԱԳԱՏԷ-ին տեղեկացրել է որպէս ռէակտորային վառելիք օգտագործելու համար մինչեւ 20% մետաղական ուրան հարստացնելու մտադրութեան մասին: ՏԱՍՍ-ի փոխանցմամբ՝ յայտարարել է ԱՄՆ Պետքարտուղարութեան խօսնակ Նէդ Փրայսը:

«Ինչպէս ես եմ հասկանում, այդ զեկոյցին հասանելիութիւնը սահմանափակւած է: Սակայն մենք ԶԼՄ հրապարակումներ ենք նկատել, որոնք որոշակի մանրամասներ են յայտնում փաստաթղթի բովանդակութեան վերաբերեալ: Անհանգստութիւն է առաջացնում այն, որ Իրանը նախընտրում է շարունակել իրավիճակի լարումը Միջուկային համաձայնագրով իր ստանձնած պարտաւորութիւնները խախտելու տեսանկիւնից:

Սա հերթական յետքայլն է Իրանի կողմից, յատկապէս այն դէպքում, երբ մենք մեր կողմից անկեղծ ցանկութիւն ենք դրսեւորել միջուկային համաձայնագրին վերադառնալու եւ միջուկային ծրագրի խնդրին առաւել արդիւնաւէտ եւ պարզ լուծումներ գտնելու հարցում: Մենք յստակ հասկացնել ենք տւել, որ նման սադրիչ քայլերը Իրանին բանակցութիւնների վրայ ազդելու որեւէ լծակ չի տալու, այլ միայն ուժեղացնելու են Իրանի գործունէութեան հարցում մեր մտահոգութիւնները»,- ասել է Փրայսը:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։