Հա

Քաղաքական

14/10/2021 - 11:40

ԱՄՆ Ներկայացուցիչների պալատի անդամի հետ քննարկւել են հայ-ամերիկեան յարաբերութիւնների առաջնահերթութիւնները

ԱՄՆ Ներկայացուցիչների պալատի Արտաքին յարաբերութիւնների յանձնաժողովի անդամ, հայ համայնքի վաղեմի բարեկամ Դէյւիդ Սիցիլինին (Դեմոկրատական կուսակցութիւն, Ռոդ Այլենդ նահանգ) 2021 թ. հոկտեմբերի 11-ին ընդունել է ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Արթուր Խաչատրեանին եւ ՀՅԴ Բիւրոյի անդամ Արամ Գալուստեանին (ԱՄՆ)՝ քննարկելու հայ-ամերիկեան քաղաքական յարաբերութիւնների առաջնահերթութիւնները։

«alikonline.ir» - ԱՄՆ Ներկայացուցիչների պալատի Արտաքին յարաբերութիւնների յանձնաժողովի անդամ, հայ համայնքի վաղեմի բարեկամ Դէյւիդ Սիցիլինին (Դեմոկրատական կուսակցութիւն, Ռոդ Այլենդ նահանգ) 2021 թ. հոկտեմբերի 11-ին ընդունել է ՀՅԴ անդամ, ՀՀ ԱԺ «Հայաստան» խմբակցութեան պատգամաւոր Արթուր Խաչատրեանին եւ ՀՅԴ Բիւրոյի անդամ Արամ Գալուստեանին (ԱՄՆ)՝ քննարկելու հայ-ամերիկեան քաղաքական յարաբերութիւնների առաջնահերթութիւնները։

ՀՅԴ անդամները շնորհակալութիւն են յայտնել կոնգրեսական Սիցիլինիին՝ իր քաղաքական քաղաքական գործունէութեան ընթացքում (Ռոդ Այլենդի Ներկայացուցիչների պալատի անդամ, նահանգի մայրաքաղաք Փրովիդենսի քաղաքապետ եւ վերջերս՝ ԱՄՆ Կոնգրեսի անդամ) Հայաստանին, Արցախին եւ Հայ Դատի աշխատանքներին ցուցաբերած աջակցութեան համար։

Արթուր Խաչատրեանը կոնգրեսական Սիցիլինիին է ներկայացրել 2020 թւականի աշնանն Ադրբեջանի սանձազերծած պատերազմի, պատերազմական յանցագործութիւնների, էթնիկ զտումների հետեւանքով Արցախում եւ Հայաստանի Հանրապետութեան ու Ադրբեջանի միջեւ սահմանին ստեղծւած իրավիճակը։ Հայաստանի խորհրդարանի անդամն ընդգծել է, որ հնարաւոր չէ Հայսստանի ու Ադրբեջանի միջեւ հասնել արդար եւ կայուն խաղաղութեան, առանց Արցախի ժողովրդի ինքնորոշման իրաւունքի միջազգային ճանաչման: «Խաղաղութիւն կը հաստատւի միայն եթէ նախ արդարութիւնը յաղթանակի։ Ադրբեջանական պատերազմական յանցագործութիւններն ապացուցում են, որ Արցախը չի կարող լինել Ադրբեջանի մաս»,- նշել է նա։

Խօսելով սահմանին տիրող իրավիճակի մասին՝ Արթուր Խաչատրեանը տեղեկացրել է, որ ադրբեջանական զինւած ուժերը ներխուժել են ՀՀ ինքնիշխան տարածք եւ պարբերաբար սադրանքներ են իրականացնում սահմանի երկայնքով։ «Հայ զինւորականները յարձակման են ենթարկւում եւ զոհւում Հայաստանի մայրաքաղաք Երեւանից ընդամէնը 60 կմ հեռաւորութեան վրայ»,- ասել է Արթուր Խաչատրեանը:

ՀՅԴ Բիւրոյի անդամ Արամ Գալուստեանը նշել է, որ Թուրքիան ու Ադրբեջանը շարունակում աւելի քան մէկ դար առաջ սկսած Հայոց Ցեղասպանութիւնը։ «Հայաստանը թուրքերի համար մի սեպ է՝ խրւած Թուրքիայի եւ թիւրքական աշխարհի միջեւ։ Այս պատճառով է, որ նրանք ձգտում են ոչնչացնել հայ ժողովրդին ու հայոց պետականութիւնը։ Եթէ նրանք չկանգնեցւեն, հայերի գոյութիւնն իրենց պատմական հայրենիքում վտանգւած կը լինի»,- ասել է նա։

Առանձին անդրադարձ է եղել նաեւ հայ ռազմագերիների խնդրին։ ՀՅԴ Բիւրոյի անդամ Գալուստեանը փոխանցել է, որ աւելի քան 200 հայ զինւորական եւ քաղաքացիական անձինք են պահւում ադրբեջանական գերութեան մէջ։ Նրանք կտտանքների են ենթարկւում, արձանագրւել են նաեւ արտադատական մահապատիժների դէպքեր։ «Չնայած նոյեմբերի 9-ի յայտարարութեանը, որը պահանջում էր ռազմագերիների փոխանակում «Բոլորին բոլորի դիմաց» սկզբունքով, անտեսելով ամերիկեան եւ միջազգային կոչերն անյապաղ եւ առանց նախապայմանների վերադարձնել ռազմագերիներին՝ Ադրբեջանը շարունակում է նրանց որպէս պատանդ պահել՝ Հայաստանից յաւելեալ զիջումներ կորզելու նպատակով»,- ասել է ՀՅԴ Բիւրոյի անդամը։ Նա նաեւ մտահոգութիւն է յայտնել ամերիկեան կառավարութեան կողմից 907 բանաձեւի կասեցման վերաբերեալ, ինչը հնարաւորութիւն է տալիս Ադրբեջանին բազմամիլիոն դոլարների ռազմական աջակցութիւն տրամադրել։ «Ինչպէս համոզւել ենք, Ադրբեջանն իրեն հասանելի ամբողջ ռեսուրսներն ուղղում է Հայաստանի դէմ, հայերին սպանելու համար»,- եզրափակել է Արամ Գալուստեանը։

Կոնգրեսական Սիցիլինին շնորհակալութիւն է յայտնել ՀՅԴ անդամներին այս խնդիրներն իրեն ներկայացնելու համար եւ հաւաստիացրել, որ շարունակելու է իր ամբողջական զօրակցութիւնն ու աջակցութիւնը Հայաստանին եւ Արցախին։

 

Յարակից լուրեր

  • «Տնտեսական աճը», սնանկացման եզրին կանգնած գործարարներն ու սովեալ ժողովուրդը․ ի՞նչ անել սոցիալական ու տնտեսական փլուզումը կանխելու համար
    «Տնտեսական աճը», սնանկացման եզրին կանգնած գործարարներն ու սովեալ ժողովուրդը․ ի՞նչ անել սոցիալական ու տնտեսական փլուզումը կանխելու համար

    Որքան էլ Փաշինեանն ու նրա թիմն անտեսեն երկրի առջեւ ծառացած սոցիալ-տնտեսական մարտահրաւէրները եւ փոխարէնն «աննախադէպ» յաջողութիւններ երկնեն, փաստը մնում է փաստ՝ Հայաստանի տնտեսութիւնը ծանր օրեր է ապրում։

    2020-2021 թթ․ Հայաստանի տնտեսութեան կատարողականն անհամեմատ աւելի վատն էր, քան համաշխարհային եւ համադրելի երկրների տնտեսութիւնների կատարողականները (տե՛ս Արժոյթի միջազգային հիմնադրամի կողմից հրապարակւող՝ համաշխարհային տնտեսութեան կանխատեսումները (World Economic Outlook))։ 

  • Խաղաղութի՞ւն. թէ՞ դիմադրութիւն
    Խաղաղութի՞ւն. թէ՞ դիմադրութիւն

    «Խաղաղութիւն» հաստատելու Ալիեւի նկրտումը հասկանալի է։ Իսկ ինչո՞ւ «խաղաղութեան դարաշրջանից» խօսում գերագոյն գլխաւոր մեղաւորն ու պատասխանատուն։ Ի՞նչ են նրան դրա համար խոստացել։

  • Եկել են իշխանութեան սոցիալական արդարութեան խոստումով, բայց մարդկանց միջեւ անդունդն են մեծացնում
    Եկել են իշխանութեան սոցիալական արդարութեան խոստումով, բայց մարդկանց միջեւ անդունդն են մեծացնում

    Նիկոլն ամէն երեք ամիսը Հայաստանի մասին փաստեր էր կարդում, որոնք ծիծաղ էին առաջացնում, հիմա էլ կառավարութեան նիստերում ինչ-որ թւեր են հնչեցնում, որոնք լսելով` մտածում ես` նոյն երկրո՞ւմ ես ապրում, թէ՞ ոչ. երէկ՝ յունիսի 24-ին Ֆրանսիայի հրապարակում «Դիմադրութիւն» շարժման հանրահաւաքի ժամանակ ասաց ՀՅԴ անդամ, ԱԺ «Հայաստան» խմբակցութեան պատգամաւոր Արթուր Խաչատրեանը:

  • Կենցաղային սպանութիւններն ու իշխանութեան վախճանը
    Կենցաղային սպանութիւններն ու իշխանութեան վախճանը

    Յունիսի 19-ի կիրակնօրեայ երեկոյի հանգստութիւնը պայթեցրեց Ապարանից եկած բոթը․ ՔՊ-ական պատգամաւորի եւ փոխմարզպետի հետ փոխկապակցւած անձիք երիտասարդ են սպանել են ու էլի մի քանի հոգու վիրաւորել են, քանի որ վերջիններս հայհոյել են իշխանութիւններին ու անձամբ Նիկոլ Փաշինեանին։ Աւելի ուշ ստացւեց երկրորդ զոհի մասին բոթը։ Իսկ այսօր տեղեկութիւններ եկան, որ մահացաւ նաեւ երրորդ վիրաւորը... Իր ցինիզմով ու դաժանութեամբ այս սպանութիւնը եզակի էր։

  • «Դաշնակահարի ձախող արկածները Ռուսաստանում կամ ակամայ խոստովանութիւն»․ Փաշինեանը մեղաւոր է
    «Դաշնակահարի ձախող արկածները Ռուսաստանում կամ ակամայ խոստովանութիւն»․ Փաշինեանը մեղաւոր է

    Ինձ թւում է, երբ համատեղութեան կարգով Նախագահ աշխատող դաշնակահար ՀՀՇ-ականը վերադառնայ Հայաստան, նրան շատ ծանր խօսակցութիւն է սպասում իր գործատուի հետ։ Չէ որ դաշնակահարին պաշտօն էին տւել, որ դաշնամուր նւագի, հիւրերին զւարճացնի, ի՞սկ նա... Սանկտ պետերբուրգեան ծովափնեայ մեղմ զեփիւռը, սպիտակ գիշերներն ու շիկահեր գեղեցկուհիները դառը կատակ խաղացին նրա հետ։ Պարոն Խաչատուրեանը, Կիսա Վորոբեանինովի նման, որոշեց բոլորին շլացնել իր մտքի լայնութեամբ։ 

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։