Հա

Քաղաքական

10/01/2022 - 12:05

«Ղազախական յեղափոխութեան միջազգային կոնտեկստը»․ Սուրէն Սարգսեան

Միջազգայնագէտ, Ամերիկեան հետազօտութիւնների հայկական կենտրոնի տնօրէն Սուրէն Սարգսեանը ֆէյսբուքեան իր էջում գրում ներկայացրել է «ղազախական յեղափոխութեան միջազգային կոնտեկստը»։

«alikonline.ir» - Միջազգայնագէտ, Ամերիկեան հետազօտութիւնների հայկական կենտրոնի տնօրէն Սուրէն Սարգսեանը ֆէյսբուքեան իր էջում գրում ներկայացրել է «ղազախական յեղափոխութեան միջազգային կոնտեկստը»։

Նա, մասնաւորապէս, նշել է.

«Ղազախական յեղափոխութիւնը տապալեց այդ երկրի փաստացի նախագահ Նազարբաեւին:

1. Հիմա, եթէ Տոկաեւը պահպանի իր պաշտօնը, (կարծես ամէն ինչ դրան է գնում) ապա առաւելապէս Ռուսաստանի շնորհիւ: Սա նշանակում է լինել կախւած Ռուսաստանից համարեա այնքան, որքան կախւած է Բելառուսը: Ի դէպ հէնց Ռւսաստանի շնորհիւ է Տոկայեւը ստացել անսահման իշխանութիւն եւ հէնց Տոկաեւն է այս պահին յեղափոխութեան հիմնական շահառուն:

2. Գոնէ այս պահին Ղազախստանն ըստ էութեան կտրւել է թուրքական աշխարհի շղթայից եւ դարձել է ռուսական աշխարհի ազդեցութեան գօտի (տես թուրքիայի դիրքաւորումը պանթուրքական զօրքեր ստեղծելու անհրաժեշտութեան մասին):

Բնականաբար նման իրավիճակը խառնում է նաեւ Թուրքիայի խաղաքարտերը՝ նէոօսմանեան կայսրութիւն ձեւաւորելու ճանապարհին (տես թուրք-ադրբեջանական համատեղ հիստերիան):

3. Եթէ Ռուսասանը կորցնէր Ղազախստանը, ապա նա կը կորցներ նաեւ ԵԱՏՄ-ն, քանի որ առանց ԵԱՏՄ հեղինակ եւ երկրորդ ԵԱՏՄ տնտեսութիւն Ղազախստանի, այդ կառոյցը չէր լինի:

Ի դէպ ոչ ստաբիլ Ղազախստանը լուրջ մարտահրաւէր է չինական ճանապարհ եւ գօտի նախագծի իրականացման համար եւ այս առումով, կարծում եմ, Ռուսաստանն ունի Չինաստանի լիակատար աջակցութիւնը՝ ամէն գնով իրավիճակը ստաբիլացնելու համար (տես Չինաստանի նախագահի ուղերձը):

Մի բան է պարզ: Կապ չունի, թէ ով է բարձրացնում յեղափոխական ալիքը, կարեւոր է, թէ ով է կարողանում այդ ալիքը ճիշտ ժամանակին առաւել օպերատիւ որսալ եւ վերցնել իր շահաբաժինը»։

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։