Հա

Քաղաքական

26/05/2022 - 10:20

«Մոսկւան յուսով է, որ Բրիւսէլը կօգնի իրականացնել ՀՀ-ի, Ադրբեջանի եւ ՌԴ-ի միջեւ պայմանաւորւածութիւնները, ոչ թէ կը փորձի աշխարհաքաղաքական խաղեր տալ»․ Զախարովա

Մոսկւան տեսնում է Հայաստանի, Ադրբեջանի եւ Ռուսաստանի Դաշնութեան միջեւ պայմանաւորւածութիւնների գործընթացին միջամտելու ԵՄ-ի յամառ փորձերը: Այս մասին երէկ՝ մայիսի 25-ին կայացած ճեպազրոյցի ընթացքում յայտարարել է ՌԴ ԱԳՆ պաշտօնական ներկայացուցիչ Մարիա Զախարովան։

«alikonline.ir» - Մոսկւան տեսնում է Հայաստանի, Ադրբեջանի եւ Ռուսաստանի Դաշնութեան միջեւ պայմանաւորւածութիւնների գործընթացին միջամտելու ԵՄ-ի յամառ փորձերը: Այս մասին երէկ՝ մայիսի 25-ին կայացած ճեպազրոյցի ընթացքում յայտարարել է ՌԴ ԱԳՆ պաշտօնական ներկայացուցիչ Մարիա Զախարովան։ Գրում է Tert.am-ը:

Նա նշել է, թէ Մոսկւան յուսով է, որ Բրիւսէլը կօգնի իրականացնել Հայաստանի, Ռուսաստանի ու Ադրբեջանի ղեկավարների եռակողմ պայմանաւորւածութիւնները, ոչ թէ կը փորձի աշխարհաքաղաքական խաղեր խաղալ:

«Մենք տեսնում ենք բարձր մակարդակով եռակողմ պայմանաւորւածութիւնների իրականացման գործընթացների մէջ մխրճւելու՝ ԵՄ յամառ փորձերը»,- ասել է ՌԴ ԱԳՆ ներկայացուցիչը:

Զախարովան նշել է՝ ՌԴ-ի նպատակը Կովկասում կայունութեան ու բարգաւաճման գօտու հաստատումն է, ինչի ճանապարհին խնդիրներից մէկը Երեւանի եւ Բաքւի յարաբերութիւնների կարգաւորումն է։

Նա նշել է, որ Մոսկւան համակողմանի աջակցութիւն է ցուցաբերում Հայաստանին ու Ադրբեջանին բոլոր ուղղութիւններով, այդ թւում՝ տրանսպորտային կապերի ապաշրջափակման, սահմանազատման, հասարակական երկխօսութեան հաստատման ու խաղաղ պայմանագրի մշակման:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։