Հա

Քաղաքական

24/06/2022 - 09:00

Պրաւօ՜, Կարլէնտ

Պրաւօ՜, պարոն Մերիք Կարլէնտ. այս ի՜նչ արդարամտութիւն, այս ի՜նչ յանդգնութիւն: Ես ալ կը ձայնակցիմ քեզի, երբ կը յայտարարես, որ պէտք է հետապնդել եւ հաշուետուութեան կանչել Ուքրանիոյ մէջ պատերազմական ոճիրներ գործողները:

Ս. ՄԱՀՍԷՐԷՃԵԱՆ

 

Պրաւօ՜, պարոն Մերիք Կարլէնտ. այս ի՜նչ արդարամտութիւն, այս ի՜նչ յանդգնութիւն: Ես ալ կը ձայնակցիմ քեզի, երբ կը յայտարարես, որ պէտք է հետապնդել եւ հաշուետուութեան կանչել Ուքրանիոյ մէջ պատերազմական ոճիրներ գործողները:

Ընթերցողս իրաւունք ունի հարցնելու, թէ ո՞վ է սա արդարամիտ եւ արի Կարլէնտը, որուն ձայնակցելու ելեր եմ այսօր, լուռ հրաւէր կ’ուղղեմ, որ ամէն արդարամիտ մարդ ձայնակցի անոր:

Մերիք Կարլէնտ Միացեալ Նահանգներու արդարութեան նախարարն է, որ շատերու հետեւելով, փէշերը հաւաքած՝ յանկարծ (գաղտաքողի) Ուքրանիա վազեց 21 Յունիսին եւ Լեհաստանի սահմանագլուխին հանդիպում մը ունենալով հիւրընկալ երկրին ընդհանուր դատախազին հետ՝ կրկնեց շատերու հնչեցուցած յանկերգը. Ուքրանիոյ մէջ պատերազմական ոճիրներ կ’ըլլան, պէտք է հաշիւ պահանջել, արդարութեան սեղանին բերել բոլոր ոճրագործները: Անոնք փախուստի տեղ չունին…

Եթէ Կարլէնտ հիմնականին մէջ ի մտի ունի ռուսական ուժերը, ես կը նախընտրեմ կարկինը աւելի լայն բանալ եւ հաշուետուութեան կանչել պատերազմական բոլոր ոճրագործները, ո՛ւր կամ ե՛րբ որ ալ տեղի ունեցած են կամ տեղի կ’ունենան ոճիրները:

Շարքը երկար է, արձանագրենք քանի մը տարածք:

Պատերազմական ոճիրներ տեղի կ’ունենան նա՛եւ Ուքրանիոյ արեւելեան ռազմադաշտին՝ Տոնպասի շրջանին մէջ: Ռուսական ուժերը ձեռք ձգած են ուքրանացիներուն կողքին կռուող ամերիկացիներ, զանոնք կրնան մահապատիժի ենթարկել իբրեւ վարձկաններ (այլ երկիրներէ եկած կռուողներ ալ կան), մինչդեռ նոյն Կարլէնտի Փենթակոնը կը պնդէ, թէ անոնք կամաւորներ են, Ռուսիա պէտք չէ յանդգնի մինչեւ իսկ անոնց մազին դպչելու:

Պատերազմական ոճիրներ գործած է եւ կը շարունակէ գործել Թուրքիա, ընդդէմ քիւրտերուն, ընդդէմ Սուրիոյ եւ Իրաքի (շարքը երկար է), իսկ եթէ յիշողութիւնները չեն բթացած, Թուրքիա եւ Ազրպէյճան պատերազմական ոճիրներ գործեցին Արցախի մէջ, ոճիրները կը շարունակեն ընդդէմ Հայաստանի եւ հայութեան, հակառակ Երեւանի իշխանաւորներու այլանդակ խաղաղասիրութեան: Նորագոյն ոճիրները չեն կրնար մոռացութեան մատնել մեծագոյնը՝ Ցեղասպանութիւնը:

Միացեալ Նահանգներ պատերազմական ոճիրներ գործեց Վիեթնամի, Աֆղանիստանի, Իրաքի, Սուրիոյ մէջ (չերթանք մինչեւ ամերիկաբնիկ հնդիկներու ջարդի եւ սեւամորթներու ստրկութեան օրերը):

Խորհրդային Միութեան ժառանգորդ Ռուսիան չի կրնար ձեռքերը լուալ արեւելեան եւրոպական երկիրներու մէջ իր կատարած ոճիրներէն, ո՛չ ալ ստալինական արեան բաղնիքներէն:

Հապա Ֆրանսա՞ն, որ միլիոնաւոր զոհեր պատճառեց Ալճերիոյ մէջ (այլ գաղութներու պարագան նսեմացած է): Հապա՞ եւրոպական այլ գաղութատէրեր, որոնք ափրիկեան (եւ այլ) երկիրներ վերածած էին որսադաշտի:

Այո՛, պատերազմական բոլոր ոճրագործները պէտք է հետապնդումի ենթարկուին, բերուին արդարութեան սեղանին, արդար հատուցում կատարուի բոլոր զոհերուն, վերականգնին բոլորին իրաւունքները:

Հիմա ուքրանացիներն են ամէն օր զանգուածաբար ջարդուողները, անոնց քաղաքներն են որ կը քանդուին, իսկ անդին, Աֆղանիստանի մէջ բնական աղէտը՝ երկրաշարժ մը «պակասը կը լրացնէ»: Լուսանցք նետուած են աւելի քան 100 միլիոնի գաղթական պատճառած ոճրագործները, ներառեալ՝ Թուրքիոյ հովանին եւ աջակցութիւնը վայելող «իսլամականները»…

* * *

…Մերիքի յիշեալ յայտարարութեան եւ վերը ցանկագրած պահանջներուս մասին եթէ հեռաձայնով խօսէի վաղեմի մէկ բարեկամիս հետ, վստահաբար պիտի տար լակոնական իր սովորական պատասխանը. «Պօ՛շ խօսք…» (պարապ խօսք):

 

22 Յունիս 2022թ.

 

 

Յարակից լուրեր

  • Երգերէն հասնող պատգամները
    Երգերէն հասնող պատգամները

    Եթէ ձեր ձեռքին տակ ունիք ազգային-յեղափոխական երգարան մը, քանի մը վայրկեան տրամադրեցէք ու թղթատեցէք անոր էջերը: Կը բաւէ միայն արագ-արագ անցնիլ խորագիրներուն վրայէն, կարդալ քանի մը տող, տեսնելու համար, թէ դարաւոր կամ ժամանակակից երգեր ինչպիսի՛ պատգամներ, ժամանակ չճանչցո՛ղ պատգամներ ունին մեզի, մանաւանդ անոնց՝ որոնք այսօր լծուած են Արցախն ու Հայաստանը թուրք-ազերի թշնամիին նուիրելու «առաքելութեան», մեր ժողովուրդը կը մղեն ուրանալու ինքնութիւնը, մատնուելու ԻՆՔՆԱԼՔՈՒՄԻ ու ՀԱՅՐԵՆԱԼՔՈՒՄԻ, այսինքն՝ այս երգերուն ոգիին հակադրուելու, զանոնք դրժելու գործնապէս: 

  • Սփիւռքը նոր մարտահրաւէրներուն ընդառաջ(*)
    Սփիւռքը նոր մարտահրաւէրներուն ընդառաջ(*)

    Երբ կը խօսինք ՍՓԻՒՌՔ-ի եւ անոր դիմագրաւած՝ բազմերես մարտահրաւէրներուն մասին, առհասարակ ի մտի կ’ունենանք մեր ապրած ժամանակաշրջանը, օրինակ՝ տուեալ 10-20 տարիները, մեր դիմաց բարձրացող նորագոյն դժուարութիւնները եւ կը փորձենք այդ՝ այլապէս նեղ սահմաններուն մէջ կատարել քննարկում, վերլուծումներ, ախտաճանաչում եւ հարցերու լուծման որոնում: Սա բնական է, որովհետեւ ի վերջոյ, նոյն այդ ժամանակաշրջանին գոյառած հարցերն են որ կը տագնապեցնեն մեզ, զանոնք կը զգանք մեր մորթին վրայ, կը ստեղծեն հարցեր ու կը մղեն որոնումի: Նոյնքան բանական է, որ նախընթաց տագնապ մը նսեմանայ, մինչեւ իսկ մասամբ մոռցուի, երբ աւելի մեծ ու սուր տագնապ մը կ’այրէ մեզ:

  • Արցախէն «Ձեռք լուալու» փաստ մը եւս
    Արցախէն «Ձեռք լուալու» փաստ մը եւս

    Ցնծա՜ եւ ուրախացի՜ր, Հայաստանի «հպա՛րտ քաղաքացի», Երեւանի իշխանութեան սփիւռքցի թմբկահար: ՔՊ-ական իշխանութիւնը այսօր, 19 Յուլիսին, պատմական նոր որոշում մը հռչակեց: 44-օրեայ «փառապանծ» պատերազմէն 2 տարի ետք, Հայաստան իր վերջին զինուորը պիտի հեռացնէ Արցախէն եւ անկէ մեզի մնացած հողաշերտին պիտի ընծայէ ամբողջական ինքորոշում, այսինքն՝ անոր պիտի ըսէ՝ «ասկէ ետք միայն քու զինեալ ուժերուդ վստահէ պաշտպանուելու համար», քիչ մը ալ ապաւինէ ռուսական խաղաղապահ ուժերուն, որոնց մեր շրջանին մէջ մայրամուտը հիւսելու ճիգերը շուտով պիտի ծաղկին, իսկ վաղը կրնաս լի՛ովին վստահիլ Ազրպէյճանի բարերար հովանիին եւ օրինակել Նախիջեւանը: 

  • Ա՜խ այս ամենազօր նախկինները…
    Ա՜խ այս ամենազօր նախկինները…

    Հայաստանի մէջ «Թաւշեայ յեղափոխութիւն»ը արդէն աւելի քան 4 տարեկան է, իսկ 44-օրեայ պատերազմէն ետք սահած է աւելի քան մէկ ու կէս տարի, սակայն աւելի քան տարի մը առաջ վերարտադրուած իշխանութեան բառամթերքով՝ «նախկիններ»ը այնքա՜ն ուժեղ նստած են, որ կը խանգարեն բարեմիտ եւ խաղաղասէր ՔՊ-ականներուն իւրաքանչիւր քայլը, կը մնան աղբիւրը բոլոր պատուհասներուն:

    Փա՞ստ կ’ուզէք նախկիններուն կարողութիւններուն: Խնդրե՜մ: Թուենք մէկ քանին, մնացեալը թողունք ընթերցողի երեւակայութեան:

  • Ժողովուրդը կրնա՛յ վերջ տալ հին օրերէն եկող պատուհասներու «Շքերթին»
    Ժողովուրդը կրնա՛յ վերջ տալ հին օրերէն եկող պատուհասներու «Շքերթին»

    Հայրենապաշտպանութեան բոլոր կոչերուն՝ իշխանաւորներն ու անոնց մունետիկները, բթացած ուղեղներով համակիրներու փաղանգով մէկտեղ, ունին մէկ պատասխան. վարչապետն ու խմբակը (թուրքին հետ շահակցութիւն հետապնդողներն ալ միասին) ընտրուած են, ունին «երկաթէ մանտաթ», լիազօրութիւն ունին ընելու այն՝ ինչ որ յարմար կը տեսնեն: Եթէ ուզեն՝ կրնան ամբողջ Հայաստանն ալ նուիրել թուրք-ազերիին, կը բաւէ, որ թշնամին զանոնք կարգէ կառավարիչ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։