Հա

Քաղաքական

09/07/2022 - 11:02

Կարէն Վրթանէսեան. «Այս կրկեսի նպատակը՝ քաղաքականութիւն մտնելուց հեռու պահել ցանկացած նոր խաղաղացողի»

«2 օր առաջ քննչական կոմիտէն յայտարարել էր, որ Աւետիք Չալաբեանի գործի նախնական քննութիւնն աւարտւած է։ Այսօր դատախազը Աւետիք Չալաբեանի գործի նիւթերը վերադարձրել է նախաքննութեան մարմնին ու նոր միջնորդութիւն ներկայացւել կալանքը երկարացնելու։

«alikonline.ir» - «Տազմինֆօ» մասնագիտացւած կայքի համակարգող, տեղեկատւական անվտանգութեան փորձագէտ Կարէն Վրթանէսեանը ֆէյսբուքեան իր էջում գրում է.

«2 օր առաջ քննչական կոմիտէն յայտարարել էր, որ Աւետիք Չալաբեանի գործի նախնական քննութիւնն աւարտւած է։ Այսօր դատախազը Աւետիք Չալաբեանի գործի նիւթերը վերադարձրել է նախաքննութեան մարմնին ու նոր միջնորդութիւն ներկայացւել կալանքը երկարացնելու։

Նպատակը հնարաւորինս երկար կալանքի տակ պահելն է։ (Յիշեցնեմ նաեւ, որ յուլիսի 1-ից իրեն մեղսագրւող արարքն ընդհանրապէս պէտք է ապաքրէականացւէր ու Աւետիքը պէտք է ազատւէր կալանքից, բայց ափալ-թափալ փոփոխութիւն էին մտցրել, որ այդ յօդւածը մնայ)։

Ասել եմ, նորից կրկնեմ. այս կրկեսի նպատակը՝ քաղաքականութիւն մտնելուց հեռու պահել ցանկացած նոր խաղաղացողի։ Սա ցուցադրական պատիժ է բոլոր նրանց համար, ում մտքով կարող է անցնել քաղաքականութիւն մտնել ու թէկուզ զուտ տեսականօրէն սպառնալ Նիկոլի իշխանութեանը։

Ըստ էութեան սա Նիկոլի ձեռքով թուրքական քաղաքականութեան իրականացումն է. թուրքի համար հայի ամենաատելի 2 տեսակ կայ. մէկը քաղաքական հայն է, միւսը զինւորական հայը։

Յ.Գ. Նոյն նպատակն են հետապնդում ՏԻՄ ընտրութիւններում յաղթող ոչ-նիկոլական թեկնածուների եւ իրենց մերձաւորների ձերբակալութիւնները, իրենց վրայ քրգործեր կարելը։
Ի դէպ, քանի խօսեցինք կռւող հայից... Յիշեցնեմ, որ Իգոր Խաչատուրովի գործում էլ կոպտագոյն խախտումների են դիմում, որ հնարաւորինս երկար փակած պահեն։ Օրինակ՝ վերջին անգամ փաստաբանին ոչ միայն պատշաճ չէին ծանուցել դատական նիստի մասին, այլեւ, երբ այնուամենայնիւ պաշտպանը ներկայացել էր նիստին, դատաւորն ուղղակի չէր գնացել նիստի (նորմալ պայմաններում ԲԴԽ-ում անմիջապէս կարգապահական վարոյթ կը յարուցէին այդպիսի դատաւորի նկատմամբ)»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։