Գերմանիան եւ Եւրոպան պատրաստ են եւրոպական երկրներ գազի մատակարարման ամբողջական դադարեցման մասին Ռուսաստանի Դաշնութեան որոշմանը:
«alikonline.ir» - Գերմանիան եւ Եւրոպան պատրաստ են եւրոպական երկրներ գազի մատակարարման ամբողջական դադարեցման մասին Ռուսաստանի Դաշնութեան որոշմանը: Ինչպէս տեղեկացնում է «Արմէնպրես»-ը, այս մասին յայտարարել է Գերմանիայի կանցլեր Օլաֆ Շոլցը:
Նա յայտնել է, որ Գերմանիայի Հիւսիսային ափին արդէն տերմինալներ են տեղադրել հեղուկ գազի ներկրման համար, եւ ընդհանուր առմամբ երկրում գազ են խնայւում:
«Մենք գազ ենք խնայել։ Մենք կրկին օգտագործում ենք ածխային էլեկտրակայանների արտադրական հնարաւորութիւնները։ Յաջորդ տարւայ սկզբին մենք հնարաւորութիւն կունենանք օգտագործել մնացած հարաւ-գերմանական ատոմային էլեկտրակայանները, եթէ դա անհրաժեշտ լինի»,- Bloomberg-ը մէջբերում է կանցլերի խօսքերը:
