Ցուցարարները այրել են աղբամաններ, քարեր ու շշեր են նետել ոստիկանների վրայ։ Ի պատասխան` ուժայինները կիրառել են արցունքաբեր գազ եւ ձայնային նռնակներ։
«alikonline.ir» - Ցուցարարները այրել են աղբամաններ, քարեր ու շշեր են նետել ոստիկանների վրայ։ Ի պատասխան` ուժայինները կիրառել են արցունքաբեր գազ եւ ձայնային նռնակներ։
Փարիզում քրդերի եւ ոստիկանութեան աշխատակիցների միջեւ բախումներ են տեղի ունեցել, այս մասին ըստ Sputnik Արմենիայի յայտնում է «ՌԻԱ Նովոստի»-ն:
Փարիզի 10-րդ շրջանում հրաձգութիւն է տեղի ունեցել, որի հետեւանքով զոհւել է 3 քուրդ, եւս մի քանի մարդ վիրաւորւել է:
Դրանից յետոյ մի քանի տասնեակ քրդեր հաւաքւել են դէպքի վայրում։ Նրանք յայտարարել են, որ տեղի ունեցածը ահաբեկչութիւն է, որի յետեւում կանգնած է Թուրքիան։
Դէպքի վայր են ժամանել ոստիկանութեան լրացուցիչ ուժեր։
Քրդական համայնքի հանրահաւաքը վերածւել է անկարգութիւնների։ Ցուցարարները այրել են աղբամաններ, քարեր ու շշեր են նետել ոստիկանների վրայ։
Ի պատասխան՝ ոստիկանութիւնը բազմիցս կիրառել է արցունքաբեր գազ ու ձայնային նռնակներ։
Յիշեցնենք, որ երէկ 69-ամեայ տղամարդը կրակ էր բացել Ֆրանսիայի մայրաքաղաք Փարիզում, նա ձերբակալւել էր, դրդապատճառներն անյայտ են։
Լրատւամիջոցների տւեալներով՝ նա ֆրանսիացի է, որը նախկինում երկու անգամ մահափորձ է կատարել։
