Եւրոպական միութեան արտաքին յարաբերութիւնների եւ անվտանգութեան հարցերով բարձր ներկայացուցիչ Ժոզէֆ Բորէլը պնդում է, որ Եւրոպային յաջողւել է լիովին յաղթահարել Ռուսաստանից էներգետիկ կախւածութիւնը։
«alikonline.ir»- Եւրոպական միութեան արտաքին յարաբերութիւնների եւ անվտանգութեան հարցերով բարձր ներկայացուցիչ Ժոզէֆ Բորէլը պնդում է, որ Եւրոպային յաջողւել է լիովին յաղթահարել Ռուսաստանից էներգետիկ կախւածութիւնը։ Գրում է Tert.am-ը:
«Մի քանի ամսում մենք վերացրեցինք էներգետիկ կախւածութիւնը Ռուսաստանի Դաշնութիւնից, որը մենք ստեղծել էինք տարիներ շարունակ»,- ասել է նա կիրակի օրը «Diário» թերթին տւած հարցազրոյցում։
«Մենք գնային աճի չափազանց լարւած փուլ անցանք, բայց վերադարձանք նախապատերազմեան իրավիճակին»,- նշել է ԵՄ դիւանագիտութեան ղեկավարը։ Նա նշել է, որ օգոստոսին դա մեծապէս պայմանաւորւած է եղել շուկաներում սպեկուլեատիւ լարւածութեամբ։
Նրա կարծիքով, էներգետիկ շուկայում լարւածութիւնն այլեւս չի կարելի կապել Ուկրայինայի իրադարձութիւնների հետ։ «Սա էներգետիկայի եւ, մասնաւորապէս, գազի եւ էլեկտրաէներգիայի գների յարաբերակցութեան կառուցւածքային խնդիր է»,- պարզաբանել է Բորէլը։ Նա յոյս է յայտնել, որ շուտով Եւրոյանձնաժողովը կը ներկայացնի իրավիճակի շտկմանն ուղղւած առաջարկ։
