Իրանի Իսլ. Հանրապետութեան ԱԳ նախարարութեան պաշտօնական ներկայացուցիչ Նասեր Քանանին արձագանգել է Իրանի խաղաղասիրական նպատակներով միջուկային գործունէութեան վերաբերեալ եւրոպական եռեակի յայտարարութեանը՝ ֆորդոյի օբիեկտի գործունէութեան առնչութեամբ:
«alikonline.ir» - Իրանի Իսլ. Հանրապետութեան ԱԳ նախարարութեան պաշտօնական ներկայացուցիչ Նասեր Քանանին արձագանգել է Իրանի խաղաղասիրական նպատակներով միջուկային գործունէութեան վերաբերեալ եւրոպական եռեակի յայտարարութեանը՝ ֆորդոյի օբիեկտի գործունէութեան առնչութեամբ, հաղորդում է ԻՌՆԱ-ն:
«Այդ թեմայի մասին զեկուցել ենք Ատոմային էներգիայի միջազգային գործակալութեանը եւ նրանց կատարած վերջին վերահսկողութիւնը փաստում է, որեւէ նոր կամ հակասական գործողութիւն չի կատարւել:
Մենք տեղեկացրել ենք Ֆորդոյի 60-տոկոսանոց հարստացման մասին նոյեմբերի 17-ին, եւ ուրանի հարստացման բոլոր իրավիճակների մասին տեղեկութիւնը զեկուցւել է համապատասխան հարցաթերթիկներում:
Մասնաւորապէս, գործակալութեան կողմից 2023 թւականի յունւարին կատարւած վերահսկողական այցը փաստում է, որ որեւէ սխալ նոր կամ հակասական գործընթաց չի կատարւում, որը կարող էր զեկուցելու անհրաժեշտութիւն ունենալ»:
