Հա

Քաղաքական

29/08/2013 - 11:30

Մշակոյթի եւ իսլ. առաջնորդութեան նորընտիր նախարարի հանդիպումը՝ մշակոյթի եւ արւեստի գործիչների հետ

Ալի Ջաննաթին, հինգշաբթի, օգոստոսի 22-ի երեկոյեան, «Վահդաթ» դահլիճում հանդիպեց գրողների, կինոգործիչների, արւեստագէտների եւ զանգւածային լրատւամիջոցների ներկայացուցիչների հետ: Մշակոյթի եւ իսլ. առաջնորդութեան նորընտիր նախարար Ալի Ջաննաթին հանդիպման ընթացքում նշել է. «Արւեստի բնագաւառը քաղաքական խաղերի, քաղաքական եւ կուսակցական բախումների բնագաւառ չէ: 

«ԱԼԻՔ» - Ալի Ջաննաթին, հինգշաբթի, օգոստոսի 22-ի երեկոյեան, «Վահդաթ» դահլիճում հանդիպեց գրողների, կինոգործիչների, արւեստագէտների եւ զանգւածային լրատւամիջոցների ներկայացուցիչների հետ:
Մշակոյթի եւ իսլ. առաջնորդութեան նորընտիր նախարար Ալի Ջաննաթին հանդիպման ընթացքում նշել է. «Արւեստի բնագաւառը քաղաքական խաղերի, քաղաքական եւ կուսակցական բախումների բնագաւառ չէ: Քաղաքականութեամբ տարւելը տիրական է դարձնում կեղծաւոր պահպանողականութիւնն ու մշակութային վարիչներից առնում նրանց շարժում ստեղծելու եւ նոյնիսկ վտանգների դիմելու կարողականութիւնը, նրանց էներգիան վատնում կողմնակի հարցերի ուղղութեամբ»:
Իր յայտարարութիւնների մէկ այլ բաժնում նա ասել է. «Մշակոյթի բնագաւառի աղէտը այն վարիչ-տնօրէններն են, որոնց մշակոյթի հանդէպ հայեացքը նեղ ու սահմանափակ է»:
Նա յստակեցրել է. «Մեծագոյն տմարդութիւնն այն է, որ մշակոյթի բնագաւառը յանձնւի այս ասպարէզին անտեղեակ անձանց ձեռքը: Երկրի մշակոյթի տնօրինումը յանձնում եմ այդ բնագաւառի մասնագէտ անձանց»:
Պրն. Ջաննաթին իր արտայայտութիւններում վերոյիշեալ կէտերից բացի՝ ասել է. «Բարոյական եւ իմացական իրաւունքների հովանաւորումը բացում է ճամբան մշակութային ու գեղարւեստական ստեղծագործութիւնների համար եւ մենք պէտք է քայլեր առնենք այս բնագաւառում»:
Նա իր արտայայտութիւնների մէկ այլ բաժնում ասել է. «Մշակութային արդարութիւն, այսինքն՝ մշակութային գործունէութեանց մակարդակի բարձրացում շրջաններում եւ այլ քաղաքներում՝ արւեստի ամենաշքեղ երկերը տանել հասցնել երկրի հեռւագոյն աւանները: Մշակութային արդարութիւնը այս նորընտիր կառավարութեան հիմնական սկզբունքներից է»:
Յիշատակելի է, որ «Ալիք» օրաթերթի տնօրէնութեան կողմից այս միջոցառմանը ներկայ է եղել պրն. Վարուժ Յովհաննիսեանը:

Յարակից լուրեր

  • Հ.Մ.Ա.Կ.-ի 75-ամեակին նւիրւած միջոցառում՝ «Վահդաթ» համերգասրահում
    Հ.Մ.Ա.Կ.-ի 75-ամեակին նւիրւած միջոցառում՝ «Վահդաթ» համերգասրահում

    Թեհրանի «Վահդաթ» համերգասրահում մի քանի օր է ինչ թեւածում է հայկական շունչն ու ոգին:

  • «Հայկական երաժշտական երեկոյ»՝ «Վահդաթ» համերգասրահում
    «Հայկական երաժշտական երեկոյ»՝ «Վահդաթ» համերգասրահում

    Թեհրանի «Վահդաթ» համերգասրահը դեկտեմբերի 19-ին լեփ-լեցուն էր արւեստասէր հասարակայնութեամբ, որը յոտնկայս ծափողջոյններով ունկնդրեց մայեստրօ Ռազմիկ Օհանեանի ղեկավարած, Իրանի Ազգային սիմֆոնիկ նւագախմբի եւ երգչախմբի կատարմամբ «Հայկական երաժշտութեան երեկոյ»-ն:

  • Հայաստանի Պետական կամերային երգչախմբի կատարմամբ՝ Կոմիտասի երաժշտութիւնը թեւածեց Թեհրանի «Վահդաթ» դահլիճում
    Հայաստանի Պետական կամերային երգչախմբի կատարմամբ՝ Կոմիտասի երաժշտութիւնը թեւածեց Թեհրանի «Վահդաթ» դահլիճում

    Հասաւ սպասւած պահը եւ Հայաստանի Պետական կամերային երգչախումբն իր հրաշալի կատարմամբ Թեհրանի «Վահդաթ» դահլիճում հնչեցրեց Կոմիտասի բացառիկ ու անկրկնելի երգն ու երաժշտութիւնը:

  • Երիտասարդական համագումար
    Երիտասարդական համագումար

    Թւականիս ուրբաթ, նոյեմբերի 24-ին, Հայ համալսարանականների ընդհանուր միութեան «Նիկոլ Աղբալեան» սրահում, տեղի ունեցաւ երիտասարդական համագումար՝ «Երիտասարդը դէմ-յանդիման եկեղեցու եւ այսօրւայ տեխնոլոգիային եւ Հայ երիտասարդի առաքելութիւնը յարաբերաբար իր ինքնութեան եւ ազգային պահանջատիրութեան» թեմաներով։ 

  • Կառավարութեան վատ օրը
    Կառավարութեան վատ օրը

    Հոկտեմբերի 18-ն այնքան էլ լաւ օր չէր Հանրապեձտութեան նախագահ դոկտ. Հասան Ռոհանիի գլխաւորած կառավարութեան համար:
    Տեւական ասէկոսէներից յետոյ, իր զբաղեցրած պաշտօնից հրաժարւեց Մշակոյթի եւ իսլամական առաջնորդութեան նախարար դոկտ. Ալի Ջաննաթին, որի հրաժարականն իրանական ԶԼՄ-ներն ու փորձագիտական շրջանակները հակւած են կապելու Մաշհադ եւ Ղոմ քաղաքների այսպէս կոչւած «համերգային սկանդալ»-ի հետ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։