Հա

Քաղաքական

08/10/2018 - 10:50

Տնտեսական խնդիրներն ու բողոքներն Իրանում. Հայաստանն անհանգստանալու առիթ ունի՞

Արեւելագէտը վստահ է, որ համացանցում բազում ոչ ստոյգ հաղորդագութիւններ են տարածւում, որոնք նպատակաուղղւած են ցոյց տալ, իբր Իրանում անկայուն վիճակ է։

«alikonline.ir» - Արեւելագէտը վստահ է, որ համացանցում բազում ոչ ստոյգ հաղորդագութիւններ են տարածւում, որոնք նպատակաուղղւած են ցոյց տալ, իբր Իրանում անկայուն վիճակ է։

Իրանում ներքին իրավիճակը ապակայունացման մասին բազում յայտարարութիւնները չեն համապատասխանում իրականութեանը։ Այս մասին «Sputnik» Արմենիայի հետ զրոյցում ասաց արեւելագէտ, ԵՊՀ իրանագիտութեան ամբիոնի վարիչ Վարդան Ոսկանեանը։

Աւելի վաղ համացանցում լուսանկարներ ու տեսանիւթեր էին տարածւել, որոնցում երեւում էր՝ ինչպէս են բեռնատարների վարորդները բողոքում երկրի տնտեսական քաղաքականութեան դէմ։

Նիւթերի հեղինակները պնդում էին, թէ վարորդները ֆուռեր էին այրում, նաեւ կռիւ էին անում այն գործընկերների հետ, որոնք չէին միանում գործադուլին։ Ոսկանեանի կարծիքով՝ պէտք է ստուգել, թէ որքանով են համացանցում տարածւող տեսանիւթերը համապատասխանում իրականութեանը ու պարզել՝ որտեղ է դա տեղի ունեցել։

«Հիմա բազում չստուգւած ու չափազանցւած տեղեկութիւններ են տարածւում։ Այդ հաղորդագրութիւնների միակ նպատակն այն է, որ տպաւորութիւն ստեղծւի՝ իբր Իրանում անկայուն վիճակ է։ Յատկապէս այն պայմաններում, երբ ԱՄՆ-ն փորձում է «պայթեցնել» Իրանի տնտեսութիւնը»,- ասաց Ոսկանեանը։

Նա ուշադրութիւն հրաւիրեց այն փաստի վրայ, որ վերջին օրերի ընթացքում դոլարի կուրսը ունեցած աճից յետոյ կտրուկ ընկել է։ Թեհրանում կարողացել են որոշակի յաջողութեան հասնել ամերիկեան արժոյթի անվերահսկելի աճի դէմ պայքարում։

«Իրանում չկայ որեւէ լուրջ գործընթաց, որը կարող էր անհանգստացնել մեզ։ Իրանը տարածաշրջանի ամենակայուն երկրներից մէկն է։ Տնտեսական բարդութիւնները չեն խախտել պետութեան կայունութիւնը, կենտրոնական իշխանութիւնները վերահսկում են երկրի ամբողջ տարածքը»,- վստահ է Ոսկանեանը։

Նա աւելացրեց, որ երկիրը նորմալ կեանքով է ապրում՝ հասնելով որոշակի յաջողութիւնների ու հանդիպելով որոշ բարդութիւնների։

Բայց նոյնիսկ, եթէ համարենք, որ բողոքների մասին տեղեկութիւնները ստոյգ են, ապա, ինչպէս նշեց արեւելագէտը, Իրանը հսկայական երկիր է, ու միակ նման միջադէպը չի կարելի լուրջ գործընթաց համարւել։

Ինչ վերաբերում է հայ փոխադրողներին՝ ապա նրանք ապրանք չեն փոխադրում Իրան, բեռները Հայաստան են բերում հիմնականում իրանական ընկերութիւնները։

Նշենք, որ հոկտեմբերի 5-ին Իրանի կենտրոնական բանկի ղեկավար Աբդօլլնասեր Հեմաթին յայտարարել էր, որ ամերիկեան նոր պատժամիջոցները, որոնք կարող են ուժի մէջ մտնել այս տարւայ նոյեմբերին, առանձնապէս ազդեցութիւն չեն ունենայ երկրի ֆինանսական ու նաւթային գործունէութեան վրայ։

Աւելի վաղ Վաշինգտոնը յայտնել էր, որ նպատակ ունի զրոյի հասցնել նաւթի արտահանումն Իրանից ու կոչ էր արել նաւթ սպառողներին հրաժարւել այդ գնումներից։

Յարակից լուրեր

  • Համահայկական տեսլականի տագնապը
    Համահայկական տեսլականի տագնապը

    Հայաստանի վերանկախացումէն ի վեր բազմիցս հրապարակ իջած է Հայաստան-Սփիւռք կապերու բարելաւման եւ համակարգման խնդիրը։ Տակաւին Հայաստան պաշտօնապէս չէր անկախացած՝ 1991-ի ամռան, երբ Վազգէն Մանուկեանի կառավարութեան նախաձեռնութեամբ կայացաւ հայ գործարարներու առաջին համագումարը։ Սկզբնական խանդավառութիւնը, շատ վառ երազներով, պիտի յանգէր սահմանափակ տարողութեամբ մի քանի իրագործումներու։

  • «Իրանի եւ Չինաստանի միջեւ համագործակցութիւնը երկու երկրների շահերից է բխում». Վաէզի
    «Իրանի եւ Չինաստանի միջեւ համագործակցութիւնը երկու երկրների շահերից է բխում». Վաէզի

    Իրան-Չինաստան ռազմավարական համագործակցութեան ծրագիրը կազմւած է հաւասար դիրքերի հիման վրայ, եւ հիմնւած է երկու երկրների միջեւ ընդհանուր հայեացքների եւ ռազմավարական հետաքրքրութիւնների վրայ:

  • Անդրադարձ. Զգուշաւորութիւն եւ անվճռականութիւն
    Անդրադարձ. Զգուշաւորութիւն եւ անվճռականութիւն

    Ժողովրդավարական վարչակարգի տէր պետութեան մը մէջ գոյութիւն ունին մտածողութեան եւ մանաւանդ գործունէութեան անշրջանցելի արժեհամակարգ ու մշակոյթ, որոնք կը բացառեն կամայականութիւնը: Այդ արժեհամակարգէն ու մշակոյթէն որեւէ շեղում, կամայական որեւէ քայլ առնել կը նշանակէ մուտք գործել Լութովիկոս ԺԴ.-ի «Ես եմ պետութիւնը» մտածելակերպի աշխարհ:

  • Հայաստանը միացել է ՈՒԵՖԱ-ի PlayMakers ծրագրին
    Հայաստանը միացել է ՈՒԵՖԱ-ի PlayMakers ծրագրին

    Հայաստանը միացել է  ՈՒԵՖԱ-ի PlayMakers ծրագրին, որը ՈՒԵՖԱ-ի եւ «Դիսնէյ» աշխարհահռչակ ընկերութեան համագործակցութիւնն է, հիմքում ընկած է «Դիսնէյ»-ի հերոսների շնորհիւ նպաստել 5-8 տարեկան աղջիկների շրջանում ֆուտբոլի տարածմանն ու խթանմանը:

  • ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»
    ՀՀ-ում Իրանի դեսպան. «Արցախի հարցում Իրանի պաշտօնական դիրքորոշումը չի փոխւել»

    ՀՀ-ում Իրանի Իսլամական Հանրապետութեան դեսպան Աբբաս Բադախշան Զոհուրին յուլիսի 6-ին Հանրային հեռուստաընկերութեան եթերում անդրադարձել է Հայաստանի եւ Իրանի յարաբերութիւններին, տնտեսական համագործակցութեան զարգացմանը, ռազմավարական յարաբերութիւններին, հայ համայնքին եւ այլ թեմաների:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։