Հա

Քաղաքական

24/11/2018 - 10:21

«Իրանը հզօր է, Հայաստանը կը տուժի՝ Իրանի հետ խզելով կապերը». Թեհրանի հայոց թեմի առաջնորդը՝ Փաշինեանի յայտարարութեան մասին

Հայ–իրանական սահմանի հնարաւոր փակման վերաբերեալ Նիկոլ Փաշինեանի յայտարարութիւնը ճիշտ չէ, քանի որ Իրանը նախորդ 28 տարիներին միակ երկիրն է, որ իր սահմանն անվերապահ բաց է պահել Հայաստանի համար։

«alikonline.ir»- Հայ–իրանական սահմանի հնարաւոր փակման վերաբերեալ Նիկոլ Փաշինեանի յայտարարութիւնը ճիշտ չէ, քանի որ Իրանը նախորդ 28 տարիներին միակ երկիրն է, որ իր սահմանն անվերապահ բաց է պահել Հայաստանի համար։ Այս մասին «news.am»-ի հետ զրոյցում ասաց Թեհրանի հայոց թեմի առաջնորդ Սեպուհ արքեպիսկոպոս Սարգսեանը՝ անդրադառնալով նոյեմբերի 1–ին ՀՀ ԱԺ-ում Փաշինեանի ելոյթին։ 

«Ես չեմ ուզում որեւէ մէկին խորհուրդ տալ, բայց կարծում եմ՝ ճիշտ յայտարարութիւն չէ սա, որովհետեւ նախորդող 28 տարիներին Իրանը միակ երկիրն է, որ իր սահմանն անվերապահ բաց է պահել հայ ժողովրդի առջեւ։ Մութ ու ցուրտ տարիներին բոլոր սահմանները փակ էին, ու միակ բաց սահմանն Իրանի հետ էր, ու այսօր եթէ Հայաստանը երրորդ երկրի ճնշման տակ իր հարեւան բարեկամ երկրի հետ յարաբերութիւնները ուզենայ պղտորել, անձնապէս ես ճիշտ չեմ համարում։ Մենք որպէս Իրանի քաղաքացիներ, բնականաբար կը նեղւենք, որ հարեւան երկիրն իր սահմանները փակի»,- ասաց Սեպուհ արքեպիսկոպոս Սարգսեանը։

Թեհրանի հայոց թեմի առաջնորդի կարծիքով, եթէ նման բան տեղի ունենայ, ապա միակ տուժողը Հայաստանն է լինելու. «Իրանը հզօր երկիր է եւ կարող է դիմանալ, Հայաստանն է, որ կը տուժի՝ Իրանի հետ յարաբերութիւնները խզելով կամ վատթարացնելով»։ 

Յիշեցնենք, որ նոյեմբերի 1–ին ՀՀ ԱԺ-ում վարչապետի պաշտօնակատար Նիկոլ Փաշինեանը յայտարարել էր, որ հայ-իրանական սահմանն ամէն պահի կարող է դէ ֆակտօ փակւել ԱՄՆ-ի եւ Իրանի հետ յարաբերութիւնների եւ մնացած աշխարհաքաղաքական խնդիրների պատճառով։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։