Հա

Քաղաքական

22/07/2019 - 14:50

«Պաղեստինի հարցն անպայման կը լուծւի պաղեստինեան ժողովրդի եւ մահմեդական աշխարհի օգտին». Իսլ. յեղափոխութեան առաջնորդ

Իսլ. յեղափոխութեան առաջնորդ այաթ. Սէյէդ Ալի Խամենէին այսօր՝ յուլիսի 22-ին ընդունել է Պաղեստինի իսլամական դիմադրութեան շարժման (ՀԱՄԱՍ) բարձրաստիճան պատւիրակութեանը:

«alikonline.ir» - Իսլ. յեղափոխութեան առաջնորդ այաթ. Սէյէդ Ալի Խամենէին այսօր՝ յուլիսի 22-ին ընդունել է Պաղեստինի իսլամական դիմադրութեան շարժման (ՀԱՄԱՍ) բարձրաստիճան պատւիրակութեանը. հաղորդում է ԻՌՆԱ-ն:

Պաղեստինի հիմնահարցը համարելով մահմեդական աշխրհի թիւ 1 խնդիրը, Իսլ. յեղափոխութեան առաջնորդը բարձր է գնահատել պաղեստինեան ժողովրդի եւ դիմադրութեան շարժման ցուցաբերած դիմադրութիւնն ու պայքարի ոգին՝ վստահութիւն յայտնելով, որ  Պաղեստինի հարցը կը լուծւի պաղեստինեան ժողովդրի եւ մահմեդական աշխարհի օգտին:

«Յաղաթանակը չի տրւում առանց պայքարի եւ դիմադրութեան, եւ մենք հաւատում ենք, որ Պաղեստինի հարցն անպայման կը լուծւի պաղեստինեան ժողովրդի եւ մահմեդական աշխարհի օգտին, ըստ Աստծոյ աներկբայ խոստմանը»,- ասել է այաթ. Խամենէին:

Նշելով, որ Պաղեստինի հարցի հետ կապւած Իրանը չի քաշւում աշխարհի որեւէ պետութիւնից, Իսլ. յեղափոխութեան առաջնորդն ասել է. «Պաղեստինի վերաբերեալ մենք մեր տեսակէտը միշտ պարզ ու յստակ յայտարարել ենք եւ, նոյնիսկ, միջազգային ասպարէզում մեր բարեկամ երկրները, որնց հետ այս հարցում որոշակի տարաձայնութիւններ ունենք, գիտեն, որ Իսլամական Հանրապետութիւնը լուրջ է տրամադրւած Պաղեստինի հարցում:

Իրանի հետ թշնամանքի պատճառներից մէկն էլ Պաղեստինի խնդիրն է: Սակայն, այդ թշնամանքն ու ճնշումները պատճառ չեն դառնայ, որ Իրանը երբեւէ նահանջի Պաղեստինի վերաբերեալ իր դիրքերից, քանի որ դա կրօնի եւ համոզմունքի խնդիր է»:

Այաթ. Խամենէին անդրադառնալով ԱՄՆ-ի՝ Պաղեստինի հետ կապւած «Դարի գործարք» կոչւող դաւադիր ծրագրին, զգուշացրել է, որ այս չափազանց վտանգաւոր դաւադրութեան նպատակը պաղեստինեան ժողովրդի եւ երիտասարդութեան շրջանում, պաղեստինեան ինքնութեան վերացումն է, եւ հէնց դրա դէմ է անհրաժեշտ պայքարել, որպէսզի նրանց չյաջողւի դրամի օգնութեամբ ոչնչացնեն պաղեստինեան ինքնութիւնը:

Հանդիպման ժամանակ ՀԱՄԱՍ-ի քաղաքական Բիւրոյի փոխնախագահն Իսլ. յեղափոխութեան առաջնորդին է փոխանցել շարժման ղեկավար Իսմայիլ Հանիէի ջերմ ողջոյններն ու բարեմաղթանքները, եւ նշել է, որ պաղեստինեան ժողովուրդը միշտ երախտապարտ է Իրանին, ցուցաբերած ամբողջական եւ լիարժէք աջակցութեան համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։