Հա

Քաղաքական

02/11/2019 - 12:30

«Միջուկային գործարքի շարունակութիւնը հնարաւոր կը լինի միայն պարտականութիւնների կատարման հաւասարակշռութեամբ». Ջահանգիրի

Միջուկային համապարփակ համաձայնագրի շարունակութիւնը հնարաւոր կը լինի միայն կողմերի պարտականութիւնների կատարման հաւասարակշռութեամբ, եւ գործարքից Իրանի Իսլամական Հանրապետութեան տնտեսական շահերի գոյացմամբ: Այս մասին այսօր՝ նոյեմբերի 2-ին Շանհայի համագործակցութեան կազմակերպութեան անդամ երկրների վարչապետների 17-րդ նիստի ընթացքում յայտարարել է Հանրապետութեան նախագահի առաջին տեղակալ Էսհաղ Ջահանգիրին:

«alikonline.ir» - Միջուկային համապարփակ համաձայնագրի շարունակութիւնը հնարաւոր կը լինի միայն կողմերի պարտականութիւնների կատարման հաւասարակշռութեամբ, եւ գործարքից Իրանի Իսլամական Հանրապետութեան տնտեսական շահերի գոյացմամբ: Այս մասին այսօր՝ նոյեմբերի 2-ին Շանհայի համագործակցութեան կազմակերպութեան անդամ երկրների վարչապետների 17-րդ նիստի ընթացքում յայտարարել է Հանրապետութեան նախագահի առաջին տեղակալ Էսհաղ Ջահանգիրին:

Ըստ նրա, Միջուկային գործարքը բազմակողմանի դիւանագիտութեան արդիւանւէտ եւ յաջողակ ձեւաչափ է, որը կայացել է Իրանի եւ աշխարհի վեց ազդեցիկ տէրութիւնների միջեւ երկարատեւ եւ բարդ բանակցութիւնների արդիւնքում, եւ ՄԱԿ-ի Անվտանգութեան խորհրդի 2231 բանաձեւն էլ նրա երաշխիքն է:

Ջահանգիրին աւելացրել է, որ ԱՄՆ գործող իշխանութիւնները, սակայն, միակողմանի եւ անարդար պատժամիջոցների միջոցով փորձում են խոչընդոտել աշխարհի տարբեր երկրների համագործակցութիւնն Իրանի հետ:

«Իրանի ժողովրդի դէմ անարդար պատժամիջոցներ կիրառելու՝ ԱՄՆ-ի միակողմանի գործողութիւնները տնտեսական ահաբեկչութեան, միջազգային իրաւունքի սկզբունքների, եւ ՄԱԿ-ի կանոնադրութեան կոպիտ խախտման բացայայտ փաստ է, ուստի միջազգային հանարութիւնն այս կապակցութեամբ ունի յստակ պարտականութիւն: Միջուկային համապարփակ համաձայնագիրը Միացեալ Նահանգների կողմից լքելուց յետոյ, Իրանի Իսլամական Հանրապետութիւնը պատրաստակամութիւն է յայտնել շարունակել բանակցութիւնները միւս կողմերի հետ, եւ միայն մէկ տարի անց է սկսել յայտարարել գործարքով ստանձնած իր պարտաւորութիւնների կրճատման մասին եւ, եթէ միւս կողմը կատարի իր պարտաւորութիւնները, ապա Իրանը կը վերսկսի իր միջուկային պարտաւորութիւնների կատարումը:

Ակնյայտ է, որ Միջուկային համապարփակ համաձայնագրի շարունակութիւնը հնարաւոր կը լինի միայն կողմերի պարտականութիւնների կատարման հաւասարակշռութեամբ, եւ գործարքից Իրանի Իսլամական Հանրապետութեան տնտեսական շահերի գոյացմամբ»,- եզրափակել է Ջահանգիրին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։