Հա

Քաղաքական

03/11/2019 - 15:00

«Իրանի նկատմամբ ԱՄՆ թշնամանքը խոր արմատներ ունի». Իսլ. յեղափոխութեան առաջնորդ

Աբանի 13-ին՝ Համաշխարհային մեծապետականութեան դէմ պայքարի ազգային օրւայ նախօրէին, Իսլ. յեղափոխութեան առաջնորդ այաթ. Սէյէդ Ալի Խամենէին հանդիպել է աշակերտութեան եւ ուսանողութեան ներկայացուցիչների հետ:

«alikonline.ir» - Աբանի 13-ին՝ Համաշխարհային մեծապետականութեան դէմ պայքարի ազգային օրւայ նախօրէին, Իսլ. յեղափոխութեան առաջնորդ այաթ. Սէյէդ Ալի Խամենէին հանդիպել է աշակերտութեան եւ ուսանողութեան ներկայացուցիչների հետ. տեղեկացնում է ԻՌՆԱ-ն:

Իր ելոյթում, Իսլ. յեղափոխութեան առաջնորդն անդրադառնալով Իրանի նկատմամբ ԱՄՆ խորը թշնամանքին ասել է, որ այդ թշնամանքը սկսւել է, ոչ թէ Իրանում ԱՄՆ դեսպանատան գրաւումից յետոյ, այլ, շատ աւելի վաղ՝ 1332 թւականի մորդադի 28-ին զինւորական յեղաշրջումից:

«Այդ յեղաշրջման միջոցով նրանք չխղճացին անգամ Մոսադեղի կառավարութեանը, որը վստահել էր նրանց, եւ տապալելով ազգային կառավարութեանը, դրան փոխարինեցին կոռումպացւած ու բռնատիրական մի կառավարութիւնով, եւ այդպիսով իրականացրեցին Իրանի ժողովրդի դէմ հնարաւոր ամենամեծ թշնամանքը»,- ասել է այաթ. Խամենէին՝ յաւելելով, որ յեղաշրջան արդիւքնում տապալւած կառավարութիւնն իրականում պատժւեց ամերիկացիներին վստահելու համար:

Յիշեցնելով, որ ԱՄՆ-ի վարքագիծը բանւ էլ չի փոխւել, եւ շարունակում է մնալ նոյնը, Իսլ. յեղափոխութեան առաջնորդը նշել է, որ նոյն չարակամութիւնը, անսահման բռնատիրութեան եւ գերիշխանութեան ձգտումն այսօր էլ գոյութիւն ունեն ԱՄՆ-ում՝ առաւել վայրենութեամբ եւ լկտիութեամբ:

Այաթ. Խամենէին Իրանում ԱՄՆ-ի քաղաքական ազդեցութեան եւ վերահսկման հնարաւորութեան կասեցումը համարել է Իսլամական Հանրապետութեան տրամաբանական եւ հզօր պատասխանն Իրան ներթափանցելու ԱՄՆ-ի փորձերին, նշելով, որ ԱՄՆ-ի հետ բանակցելու արգելքը կարեւոր միջոց է ԱՄՆ-ի թափանցումն Իրան կասեցնելու համար:

«Նրանք, ովքեր ԱՄՆ-ի հետ բանակցելը համարում են որպէս առակայ հիմնահարցերի կարգաւորման միջոց, 100 տոկոսով սխալ են: Որեւէ արդիւնք չի գոյանայ ամերիկացիների հետ բանակցութիւնից, քանի որ նրանք, անշուշտ եւ հաստատ չեն գնայ որեւէ զիջման»,- ասել է Իսլ. յեղափոխութեան առաջնորդը: Այաթ. Խամենէին տնտեսական բարգաւաճումը համարել է ժողովրդի տնտեսական խնդիրների, այդ թւում՝ թանկութեան, սղաճի եւ ազգային արժոյթի արժեզրկման կարգաւորման բանալին՝ նշելով. «Չպէտք է այնպէս՝ ինչպէս ապարդիւն սպասեցինք Միջուկային գործարքին, սպասենք եւրոպացիների գործողութիւններին: Ընդհակառակը, մենք պէտք է ապաւինենք ներքին հնարաւորութիւններին, եւ բոլոր ջանքերը ներդնենք արտադրութեան զարգացման համար»: Իր ելոյթի մէկ այլ բաժնում, Իսլ. յեղափոխութեան առաջնորդը բարձր գնահատելով երիտասարդ սերնդի առանձնայատկութիւնները, այդ թւում՝ մոտիւացիան, եռանդը, եւ ստանձնած պարտականութիւնները կատարելու պատրաստակամութիւնը, ասել է. «Երկրին բառացիօրէն անհրաժեշտ է այս սերունդը, քանի որ բարեպաշտ երիտասարդութիւնն է, որ պատասխանատւութեամբ բարձր գիտակցութեամբ ճիշտ ուղում առաջ կը շարժի Իրանին»: Քննադատելով երիտասարդ սերնդին սահմանափակելու փորձերը, այաթ. Խամենէին զգուշացրել է, որ նման վտանգաւոր փորձերի հետեւանքները կը բացայայտւեն երկու տասնամեակ անց, երբ Իրանն այլեւս չի ունենայ նման քանակութեամբ երիտասարդ սերունդ: Նա երկրի ղեկավարութեանը կոչ է արել կարգաւորել երիտասարդութեան խնդիրները եւ չէզոքացնել նրանց սպառնացող մարտահրաւէրները: «Երկրի ներուժը շատ մեծ է, եւ Իսլամական Հանրապետութիւնն Աստծոյ օրհնութեամբ եւ ի տես չկամեցողների, յաջողութեամբ կը յաղթահարի բոլոր մարտահրաւէրները»,- եզրափակել է այաթ. Խամենէին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։