Հա

Քաղաքական

04/12/2019 - 14:10

«Իրանի ժողովուրդը շառաչուն ապտակ հասցրեց ԱՄՆ-ին». Գեներալ Սալամի

Իրանի ժողովուրդը նախորդ շաբաթների ընթացքում, հերթական շառաչուն ապտակը հասցրեց պառակտում մտցնել ցանկացող մեծապետական տէրութիւններին, մասնաւորապէս՝ ԱՄՆ-ին:

«alikonline.ir» - Իրանի ժողովուրդը նախորդ շաբաթների ընթացքում, հերթական շառաչուն ապտակը հասցրեց պառակտում մտցնել ցանկացող մեծապետական տէրութիւններին, մասնաւորապէս՝ ԱՄՆ-ին: Այս մասին այսօր՝ դեկտեմբերի 4-ին, 92 հազար նահատակ բասիջիների մեծարման միջոցառման ժամանակ, յայտարարել է Իսլ. յեղափոխութեան պահակազօրի հրամանատար, գեներալ-լէյտենանտ Հոսէյն Սալամին. հաղորդում է ԻՌՆԱ-ն:

Ըստ գեներալ Սալամիի՝ իւրաքանչիւր նահատակի նւիրական սխրանքը հպարտութեան առիթ է ե՛ւ երկրի, ե՛ւ իսլամի պատմութեան տարեգրութեան էջերում: Նրա խօսքով՝ հերոս դարձած նահատակները մարմնաւորում են հաւատարմութեան, անձնազոհութեան, դիմադրողականութեան եւ վեհութեան յատկանիշները:

Պահակազօրի հրամանատարի կարծիքով՝ նախորդ շաբաթների ընթացքում իրանցիների կողմից թշնամիներին հասցւած շառաչուն ապտակը գործեց, իբրեւ նրանց ներքին թուլութեան յիշեցման ազդանշան:

Գեներալ Սալամիի հաւաստիացմամբ՝ Իրանում ներքին պառակտում մտցնելու ծրագրերը, տնտեսական պատժամիջոցների եւ առաւելագոյն ճնշման քաղաքականութեան ձախողւած արդիւնքների հետ կապելու նպատակ էր հետապնդում,  որը կարդարացնէր Իրանի հարցով իրենց կրած իրար յաջորդող պարտութիւնները: Սակայն, գեներալի խօսքով՝ Իրանի ժողովուրդը մէկ անգամ եւս մարտահրաւէրները առիթի վերածեց, ինչի հարցով էլ մասնագէտ է:

Նա յաւելել է, որ՝ ԱՄՆ-ի ծրագրերն Իրանի հարցով երբեւէ իրատեսական չեն եղել, եւ մշտապէս ձախողման են մատնւել:

Յարակից լուրեր

  • «Թեհրանը մտադիր չէ սպառազինութիւնների մրցավազքի մէջ մտնել». Քազեմ Ջալալի
    «Թեհրանը մտադիր չէ սպառազինութիւնների մրցավազքի մէջ մտնել». Քազեմ Ջալալի

    Թեհրանը սպառազինութիւնների մատակարարումների յատուկ ռեժիմի (այսպէս կոչւած՝ էմբարգոյի) չեղարկումից յետոյ մտադիր չէ սպառազինութիւնների մրցավազքի մէջ մտնել տարածաշրջանում, կը գործի, ելնելով խելամիտ պաշտպանական պահանջներից: Այդ մասին, ինչպէս տեղեկացնում է «Արմէնպրես»-ը, ՌԻԱ Նովոստիին տւած հարցազրոյցում յայտարարել է ՌԴ-ում Իրանի դեսպան Քազեմ Ջալալին:

  • «Էրդողանի՝ տարածաշրջանում անկայունութիւն ստեղծելու փորձերը լուրջ անհանգստութիւն են առաջացնում Իրանում». Կարէն Վերանեան
    «Էրդողանի՝ տարածաշրջանում անկայունութիւն ստեղծելու փորձերը լուրջ անհանգստութիւն են առաջացնում Իրանում». Կարէն Վերանեան

    Տարածաշրջանային հարցերով փորձագէտ Կարէն Վերանեանի խօսքով` Իրանի համար չափազանց կարեւոր է իր սահմանային անվտանգութիւնը եւ բացի այդ, Իրանն անհանգստացած է Թուրքիայից բերւած եւ իր սահմաններին մօտ տեղակայւած ահաբեկիչներով: Նա Tert.am-ի հետ զրոյցում նշեց, որ Իրանի համար անհանգստացնող է նաեւ այն հանգամանքը, որ Ադրբեջանին տրամադրւած գերժամանակակից յարձակողական նշանակութեան սպառազինութիւնը կառավարւում է իսրայէլցի մասնագէտների կողմից, իսկ դա նշանակում է, որ Իսրայէլը եւս ներգրաււել է այս հակամարտութիւնում:

  • «Իրանի համար անընդունելի է թաքֆիրականների ոճով գլխատումները»․ ԱԳՆ ներկայացուցիչ
    «Իրանի համար անընդունելի է թաքֆիրականների ոճով գլխատումները»․ ԱԳՆ ներկայացուցիչ

    ԱԳՆ պաշտօնական ներկայացուցիչ Սայիդ Խաթիբ Զադէն Twitter-ի իր միկրոբլոգում անդրադարձել է ԼՂ հակամարտութեանը:

  • Ղարաբաղ. հրադադա՞ր, թէ՞ սառը ջուր
    Ղարաբաղ. հրադադա՞ր, թէ՞ սառը ջուր

    Թուրքիայի նախագահ Ռեջեփ Թայիփ Էրդողանի եւ արտգործնախարար Մեւլութ Չաւուշօղլուի կողմից Ղարաբաղում հրադադարի սառն ընդունելութիւնը, ինչպէս նաեւ ռազմական գործողութիւնների շարունակւելը Հադրութ քաղաքի մօտ, վկայում են այն մասին, որ պատերազմ սանձազերծողները ձեռք բերւած արդիւնքներից այնքան էլ գոհ չեն եւ ջանում են ամէն կերպ ամրանալ եւ միջանցք ձեռք բերել Արցախեան պատերազմի հարաւային ճակատում՝ Արաքսի իրանական սահմանի երկայնքով, որպէսզի հետագայ բանակցութիւններում փորձեն հասնել արդիւնքների, որին չի յաջողւել հասնել մարտի դաշտում։

  • ՄԱԿ-ում Իրանի ներկայացուցչութեան յայտարարութիւնը զէնքի էմբարգոյի աւարտի մասին
    ՄԱԿ-ում Իրանի ներկայացուցչութեան յայտարարութիւնը զէնքի էմբարգոյի աւարտի մասին

    ՄԱԿ-ի Անվտանգութեան խորհրդի 2231 բանաձեւի համաձայն, այսօրւանից Իրանի դէմ սահմանւած զէնքի էմբարգոյի վերացման կապակցութեամբ ՄԱԿ-ում Իրանի մշտական ներկայացուցչութիւնը հանդէս է եկել յայտարարութեամբ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։