Հա

Քաղաքական

22/12/2019 - 10:20

«Իրանը մտադիր է ամրապնդել իր յարաբերութիւնները Ճապոնիայի հետ». ԱԳՆ տեղակալ

Իրանը մտադիր է ամրապնդել իր յարաբերութիւնները Ճապոնիայի հետ: Այս մասին ճապոնական NHK հեռուստաընկերութեանը տւած հարցազրոյցի ընթացքում յայտարարել է քաղաքական հարցերով ԱԳ նախարարի տեղակալ Սէյէդ Աբբաս Արաղչին:

«alikonline.ir» - Իրանը մտադիր է ամրապնդել իր յարաբերութիւնները Ճապոնիայի հետ: Այս մասին ճապոնական NHK հեռուստաընկերութեանը տւած հարցազրոյցի ընթացքում յայտարարել է քաղաքական հարցերով ԱԳ նախարարի տեղակալ Սէյէդ Աբբաս Արաղչին:

«Իրանը մտադիր է ամրապնդել իր յարաբերութիւնները Ճապոնիայի հետ, եւ բաց պահել բոլոր ուղղութիւնները»,- ասել է նա՝ յաւելելով, որ երկու երկրների աւելի լաւ յարաբերութիւնների համար կան որոշակի խոչընդոտներ:

Ըստ նրա՝ դրանք պայմանաւորւած են Իրանի դէմ ԱՄՆ սահմանած անօրինական պատժամիջոցներով. «Այլապէս երկու երկրների յարաբերութիւնները շատ լաւ են»,- ընդգծել է իրանցի բարձրաստիճան դիւանագէտը՝ յաւելելով, որ կողմերն աշխատում են երկկողմ յարաբերութիւնների հիմքերի ամրապնդման ուղղութեամբ՝ չնայած առկայ բոլոր խոչընդոտների, յատկապէս՝ ԱՄՆ-ի միակողմանի եւ ապաօրինի պատժամիջոցների:

Յիշեցնենք, որ վարչապետ Շինզօ Աբէի պաշտօնական հրաւէրով, Հանրապետութեան նախագահը դեկտեմբերի 20-ին այցելել էր Տոկիօ:

Այցի ընթացքում նախագահ Ռոհանին, վարչապետ Աբէի հետ քննարկել են երկկողմ յարաբերութիւնները, ինչպէս նաեւ՝ միջազգային եւ տարածաշրջանային կարեւոր խնդիրները, այդ թւում՝ Միջուկային համապարփակ համաձայնագիրը եւ Մերձաւոր Արեւելքում կայունութեան, անվտանգութեան եւ խաղաղութեան հարցը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։