Հա

Քաղաքական

30/12/2019 - 15:20

«Իրաքեան ուժերի դէմ ԱՄՆ ռազմական ագրեսիան ահաբեկչութեան յստակ օրինակ է». ԱԳՆ մամլոյ խօսնակ

Իրաքի դէմ ԱՄՆ զօրքերի ագրեսիան, եւ յարձակումը «Հաշդ ալ Շաաբի»-ի յենակէտերի վրայ, ահաբեկչութեան յստակ օրինակ է եւ խստօրէն դատապարտելի է:

«alikonline.ir» - Իրաքի դէմ ԱՄՆ զօրքերի ագրեսիան, եւ յարձակումը «Հաշդ ալ Շաաբի»-ի յենակէտերի վրայ, ահաբեկչութեան յստակ օրինակ է եւ խստօրէն դատապարտելի է: Այս մասին յայտարարել է ԱԳ նախարարութեան պաշտօնական ներկայացուցիչ Սէյէդ Աբբաս Մուսաւին՝ մեկնաբանելով նախօրէին ԱՄՆ ռազմաօդային ուժերի կողմից իրաքեան «Հաշդ ալ Շաաբի»-ի յենակէտերի վրայ յարձակումը:

«Այս յարձակումները վերահաստատեցին ԴԱԷՇ-ի դէմ պայքարի վերաբերեալ ԱՄՆ-ի հաւաստիացումների սուտ լինելը: Ընդ որում, ԱՄՆ-ը թիրախաւորել է այն ուժերի դիրքերը, որոնք վերջին տարիներին ծանր հարւածներ են հասցրել ԴԱԷՇ-ի ահաբեկիչներին:

Այս յարձակումների միջոցով, ԱՄՆ-ը ցոյց է տալիս իր միանշանակ աջակցութիւնն ահաբեկչութեանը, եւ այլ երկրների ինքնիշխանութեան անտեսումը»,- ասել է ԱԳՆ մամլոյ խօսնակը՝ յաւելելով, որ Միացեալ Նահանգները պէտք է ընդունի այս ապօրինի գործողութեան հետեւանքները:

Մուսաւին տարածաշրջանում արտատարածաշրջանային ուժերի ներկայութիւնն անապահովութեան, լարւածութեան եւ ճգնաժամի պատճառ է համարել՝ շեշտելով, որ ԱՄՆ-ը պէտք է վերջ տայ իր բռնազաւթիչ ներկայութեանը:

Նշելով, որ Իրանի Իսլամական Հանրապետութիւնն աջակցում է հարեւան Իրաքի անկախութեանը, տարածքային ամբողջականութեանը եւ ինքնիշխանութեանը, ԱԳՆ պաշտօնական ներկայացուցիչը վշտակցել է ԱՄՆ ահաբեկչական յարձակման զոհերի եւ վիրաւորների ընտանիքներին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։