Հա

Քաղաքական

14/01/2020 - 14:30

Կարէն Խանլարեանը ելոյթով հանդէս է եկել Իրանում կրօնական փոքրամասնութիւնների իրաւունքների վերաբերեալ գիտաժողովում

Իսլ. յեղափոխութեան պահակազօրի հասարակական եւ մշակութայն վարչութեան նախաձեռնութեամբ այսօր՝ յունւարի 14-ին, «Կրօնական փոքրամասնութիւնների իրաւունքներն Իրանի Իսլամական Հանրապետութիւնում, որպէս սոցիալական արդարութեան իրացման օրինակ» խորագրով գիտաժողով է անցկացւել:

«alikonline.ir» - Իսլ. յեղափոխութեան պահակազօրի հասարակական եւ մշակութայն վարչութեան նախաձեռնութեամբ այսօր՝ յունւարի 14-ին, «Կրօնական փոքրամասնութիւնների իրաւունքներն Իրանի Իսլամական Հանրապետութիւնում, որպէս սոցիալական արդարութեան իրացման օրինակ» խորագրով գիտաժողով է անցկացւել:

Գիտաժողովին ելոյթով հանդէս է եկել նաեւ Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը:

Իր ելոյթում պատգամաւորը նշել է, որ Իրանն աւելի քան երկու հազարամեակ Աստւածային կրօնների հետեւորդների եւ տարբեր ազգութիւնների ներկայացուցիչների ապաւէնն է եղել, որի հիւրընկալ գրկում նրանք խաղաղ գոյակցել են կողք-կողքի:

Դրա վառ օրինակն ըստ նրա՝ իրանահայութիւնն է. «Հայերն ունեն մօտ 4000 տարւայ քաղաքակրթութիւն, եւ Հայաստանն առաջին երկիրն է, որն ընդունել է քրիստոնէութիւնը, որպէս երկրի պաշտօնական կրօն 301 թւականին՝ Հռոմէական կայսրութիւնից հինգ տարի առաջ: Հայերն Իրան են եկել շուրջ 1000 տարի առաջ, պարբերաբար գաղթերի ընթացքում, եւ ձեւաւորել են իրենց գաղութները: 11-րդ դարում, սելջուկների Հայաստան ներխուժումից յետոյ, գաղթի առաջին ալիքն է տեղի ունեցել: Երկրորդ ալիքը տեղի է ունեցել Սեֆեանների շրջանում, շուրջ 410 տարի առաջ, իսկ երրորդ ալիքը՝ 1915 թւականին, Օսմանեան կայսրութիւնում Հայոց Ցեղասպանութիւնից յետոյ»,- ասել է դոկտ. Խանլարեանը՝ նշելով, որ ներկայ պահին Իրանում ապրում է աւելի քան 100 հազար հայ, որոնք ունեն իրենց եկեղեցիները, դպրոցները, մարզամշակութային միութիւնները, մամուլը եւ ազգային կառոյցը: 

«Նման պայմաններում, իրանահայ համայնքի ներկայացուցիչներն ակտիւ ներգրաււած են Իրանի Իսլամական Հանրապետութեան քաղաքական, սոցիալական, տնտեսական, արդիւնաբերական, մշակութային, երաժշտական, թատրոնի, կինոյի եւ սպորտի բոլոր ոլորտներում: Օրինակ, երկրի ռոբոտիկայի հայրը հայ գիտնական, պրոֆեսոր Կարօ Լուկասն է, Իրանի աստղագիտութեան մայրը պրոֆեսոր Ալենուշ Տէրեանն է: Պրոֆեսոր Յարութիւն Դաւթեանն Իրանի Գիտութիւնների ակադեմիայի մնայուն դէմքերից է: Պրոֆեսոր Մկրտիչ Թումանեանի անունն աշխարհի ժամանակակից 100 ամենամեծ մաթեմատիկոսների ցանկում է, եւ պրոֆեսոր Գէորգ Կարապետեանը ներառւած է աշխարհում ամենաշատ գիտական յօդւածաների յեղինակողների ցուցակում: Իսկ արւեստի ասպարէզում կարող ենք նշել Լորիս Ճգնաւորեանի, Ռազմիկ Օհանեանը եւ Էդնա Զէյնալեանի անունները»,- ասել է նա: 

Պատգամաւորն Իրանում կրօնական հանդուրժողականութեան եւ խաղաղ գոյակցութեան վառ ապացոյցն է համարել տարբեր կրօնների սրբատեղիների առկայութիւնը՝ յիշեցնելով, որ ԻՒՆԵՍԿՕ-ում Իրանի մշտական ներկայացուցչութեան ջանքերով, Արեւելեան եւ Արեւմտեան Ատրպատականներում գտնւող հայկական պատմական եկեղեցիները միջազգային գրանցում են ստացել: 

Կարէն Խանլարեանը նշել է, որ կրօնական, մշակութային եւ հասարարկական ազատութիւններից բացի, Իրանի կրօնական փոքրամասնութիւնները, այդ թւում՝ հայերն ունեն նաեւ քաղաքական ազատութիւններ. «Իւրաքանչիւր տարւայ ապրիլին, իրանահայութիւնը երկրի մի շարք քաղաքներում կազմակերպում է երթեր եւ քաղաքական հաւաքներ՝ ոգեկոչելով 1915 թւականին Օսմանեան կայսրութիւնում տեղի ունեցած Հայոց Ցեղասպանութիւնը: Համայնքը վերջին տարիներին նաեւ անցկացրել է խոշոր քաղաքական հաւաքներ՝ բողոքելու տարածաշրջանում ահաբեկչական խմբաւորումների անմարդկային յանցագործութիւնների դէմ»,- ասել է նա: 

Դոկտ. Խանլարեանը նշել է, որ առկայ բոլոր ազատութիւնների կողքին կան նաեւ տնտեսական, մշակութային, իրաւական եւ աշխատանքի ընդունման որոշակի խնդիրներ, որոնց կարգաւորման համար քաղաքացիները ստիպւած են դիմելու պատգամաւորներին: «Նման խնդիրներ անխուսափելի են բոլոր հասարակութիւններում: Միասնական համակարգում ազգերի եւ կրօնների համակեցութեան իդէալական պայմաններն են օրէնքի առկայութիւնը եւ քաղաքացիների հաւատն իրաւական դաշտի արդիւնաւէտութեան նկատմամբ, ինչպէս նաեւ՝ խնդիրների կարգաւորման ու կառավարման մեխանիզմների մշակման նկատմամբ յոյսը»,- ասել է նա՝ ընդգծելով. «Քաղաքական եւ այլ համապետական ​​ընտրութիւններին հայ համայնքի քաղաքացիների մասնակցութեան բարձր մակարդակը վկայում է այդ հաւատի եւ յոյսի մասին»: 

Պատգամաւորը նշել է, որ հպանցիկ ակնարկն իրանահայ համայնքի պայմաններին բաւարար է նշելու համար, որ սոցիալական արդարութեան տեսանկիւնից, Իրանի Իսլամական Հանրապետութեան Սահմանադրութիւնից բխող իրաւական համակարգը, եւ դրա կիրառումը կրօնական փոքրամասնութիւնների նկատմամբ ցանկալի օրինակ է: «Ակնյայտ է, որ նոյնիսկ առանց քաղաքական քարոզչութեան, ուղղակիօրէն անդրադառնալով այդ հասարակութիւններում սոցիալական կեանքի փաստերին, ոչ միայն ձախողւելու է մեր երկրի թշնամիների հակաքարոզչութիւնը, այլեւ դրանք կը նպաստեն տարբեր երկրներում համակեցութեան բարենպաստ եւ համերաշխ պայմանների ձեւաւորմանը»,- եզրափակել է Խանլարեանը: 

 

Յարակից լուրեր

  • Գնահատանքի հանդիպում
    Գնահատանքի հանդիպում

    Կիրակի սոյն թւականի մայիսի 31-ի երեկոյեան, Թեհրանի հայոց թեմի առաջնորդ գերաշնորհ Տ. Սեպուհ Ս. արք. Սարգսեանի գլխաւորութեամբ, Իրանի Իսլ. խորհրդարանում Թեհրանի եւ հիւսիսային իրանահայութեան նորընտիր պատգամաւոր՝ Արա Շահվերդեանի, թեմիս Թեմական խորհրդի ատենապետ՝ Նորայր Արամեանի եւ խորհրդի անդամների ներկայութեամբ, ազգ. առաջնորդարանի դահլիճում կայացաւ երկու նստաշրջան եւ ութ շարունակական տարիներ Իրանի Իսլ. խորհրդարանում, որպէս Թեհրանի եւ հիւսիսային իրանահայութեան պատգամաւոր ժողովրդանւէր եւ հայրենանւէր ծառայութիւն մատուցած՝ դոկտ. Կարէն Խանլարեանի գնահատանքի հանդիպումը։

  • Իսլ. խորհրդարանում կրօնական փոքրամասնութիւնների պատգամաւորների ցաւակցական ուղերձը էմամ Խոմէյնիի մահւան 31-րդ տարելիցի առիթով
    Իսլ. խորհրդարանում կրօնական փոքրամասնութիւնների պատգամաւորների ցաւակցական ուղերձը էմամ Խոմէյնիի մահւան 31-րդ տարելիցի առիթով

    Իսլամական խորհրդարանում կրօնական փոքրամասնութիւնների պատգամաւորները համատեղ գրութեամբ՝ Իրանի Իսլամական յեղափոխութեան հիմնադիր առաջնորդ լուսահոգի էմամ Խոմէյնիի մահւան 31-րդ տարելիցի առիթով վշտակցութիւն են յայտնել յեղափոխութեան առաջնորդին, երկրի եռեակ ուժերի ղեկավարներին, երկրի ու բանակի պատասխանատուներին եւ Իրանի ժողովրդին:

  • Իսլ. խորհրդարանում կրօնական փոքրամասնութիւնների պատգամաւորների համատեղ հաղորդագրութիւնը
    Իսլ. խորհրդարանում կրօնական փոքրամասնութիւնների պատգամաւորների համատեղ հաղորդագրութիւնը

    Իսլամական խորհրդարանում կրօնական եւ ազգային փոքրամասնութիւնների պատգամաւորները համատեղ հաղորդագրութեամբ ներկայացրել են անցեալ չորս տարիներին, իրենց պատգամաւորութեան շրջանում իրականացրած համատեղ քայլերի ամբողջականութիւնը: 

  • Էրդողանի հետ կապւած ամսագիրը թիրախ է դարձրել Թուրքիայի քրիստոնեաներին
    Էրդողանի հետ կապւած ամսագիրը թիրախ է դարձրել Թուրքիայի քրիստոնեաներին

    Թուրքական Gerçek Hayat ամսագիրը հրապարակել է 176 էջանոց յատուկ համար, որը թիրախ է դարձրել Թուրքիայի կրօնական փոքրամասնութիւնների առաջատար ներկայացուցիչներին: Ամսագրի յատուկ հրապարակման վերնագիրն է․ «FETO. ո՞վ է գլխաւոր ահաբեկիչ Ֆեթուլլահ Գիւլէնը: Ամենադաժան ահաբեկչական կազմակերպութեան 100-ամեայ պատմութիւնը»:

  • Համաճարակի դէմ պայքարի շրջանակներում՝ գործող, ինչպէս նաեւ նորընտիր պատգամաւորները շարունակում են այցելել հայանիստ քաղաքամասեր
    Համաճարակի դէմ պայքարի շրջանակներում՝ գործող, ինչպէս նաեւ նորընտիր պատգամաւորները շարունակում են այցելել հայանիստ քաղաքամասեր

    Երէկ՝ երկուշաբթի, մարտի 16-ին, դոկտ. Կարէն Խանլարեանն ու նորընտիր պատգամաւոր Արա Շահվերդեանը այցելեցին Թեհրանի Սասուն քաղաքամաս. այցի նպատակը մնում էր նոյնը՝ կորոնավիրուսի դէմ պայքարի մասին աշխատանքներն ու գործընթացը դարձնել հասարակութեան առօրեայի անբաժանելի մասը, եւ իհարկէ, ինչպէս յիշեցրեց գործող պատգամաւորը՝ միմեանց մասին տեղեկանալու կարեւորութեան փաստը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։