Հա

Քաղաքական

22/01/2020 - 14:40

«Ընտրութիւններին ժողովրդի ակտիւ մասնակցութիւնը կախւած է մրցակցային մթնոլորտի առկայութիւնից». Հանրապետութեան նախագահ

Հանրապետութեան նախագահ դոկտ. Հասան Ռոհանին ընտրութիւններին ժողովրդի ակտիւ մասնակցութիւնը պայմանաւորել է մրցակցային մթնոլորտի առկայութեամբ: Այս մասին նա յայտարարել է կառավարութեան այսօրւայ նիստի ընթացքում:

«alikonline.ir» - Հանրապետութեան նախագահ դոկտ. Հասան Ռոհանին ընտրութիւններին ժողովրդի ակտիւ մասնակցութիւնը պայմանաւորել է մրցակցային մթնոլորտի առկայութեամբ: Այս մասին նա յայտարարել է կառավարութեան այսօրւայ նիստի ընթացքում. հաղորդում է ԻՌՆԱ-ն:

«Ժողովուրդը պէտք է վստահ լինի, որ կանցկացւեն արդար, թափանցիկ եւ մրցակցային ընտրութիւններ»,- նշել է նա:

Անդրադառնալով ուբաթօրեայ աղօթքի ընթացքում, հզօրացման անհրաժեշտութեան մասին Իսլ. յեղափոխութեան առաջնորդի ելոյթին, դոկտ. Ռոհանին ասել է. «Ամենամեծ զօրութիւնը, որն Աստւած պարգեւել է այս երկրին, ազգային եւ ժողովրդական ուժն է, եւ իրանական ժողովուրդը մեր ամենամեծ ուժն է, եւ չկայ աւելի հզօր ուժ, քան ժողովրդի՝ ներկայութեան, դիմադրութեան, զոհաբերութեան եւ միասնութեան ուժից»:

«Ուր էլ, որ խնդիրներ ենք ունեցել, դրանք յաղթահարել ենք ժողովրդի ներկայութեան, միասնականութեան եւ միակամութեան շնորհիւ»,- շեշտել է նախագահը՝ յաւելելով, որ թշնամին ոչ թէ վախենում է մեր երկրի տնտեսական, ռազմական եւ անվտանգութեան հզօրութիւնից, այլ, ժողովրդի ուժից եւ իրանական մշակոյթից:

Այս համատեքստում դոկտ. Ռոհանին կարեւորել է ժողովրդի կարծիքի հետ հաշւի նստելը՝ նշելով, որ իշխանութեան հասարակական եւ իրաւական լեգիտիմութեան մեծ մասը պայմանաւորւած է ժողովրդի կարծիքով:

«Էլիտի կամ որոշակի հոսանքի գոհունակութիւնն ու բաւարարւածութիւնը մեզ ոչ մի տեղ չի հասցնելու, պէտք է հաշւի առնենք հասարակութեան գոհունակութիւնը, եւ գործենք ու առաջնորդւենք այդ սկզբունքով»,- ասել է նախագահը՝ շեշտելով, որ եթէ ժողովուրդը հաւատայ, որ իր քւէն դերակատար եւ որոշիչ է վաղւայ օրւայ ձեւաւորման հարցում, ապա աւելի մեծ յոյսեր կը կապի ապագայի հետ:

Անդրադառնալով ապագայ ընտրութիւններին, դոկտ. Ռոհանին բոլորին կոչ է արել ակտիւ մասնակցել դրանց, միաժամանակ շեշտելով, որ դա պայմանաւորւած է արդար, թափանցիկ եւ մրցակցային ընտրութիւնների անցկացումով:

«Բոլորը պէտք է իմանան, որ ժողովրդից եւ օրէնքից վեր որեւէ սուրբ կառոյց գոյութիւն չունի»,- յստակեցրել է նա:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։