Հա

Քաղաքական

03/02/2020 - 08:40

«Սաուդական Արաբիան կանխել է Իրանի մասնակցութիւնը Ջիդդայի նիստին». ԱԳՆ խօսնակ

Սաուդական Արաբիայի կառավարութիւնն արգելափակել է Իրանի Իսլամական Հանրապետութեան պատւիրակութեան մասնակցութիւնը Ջիդդայում, Իսլամական համագործակցութեան կազմակերպութեան կենտրոնակայանում կայանալիք, պաղեստինա-իսրայէլական հակամարտութեան կարգաւորման հարցով «դարի գործարք»-ի քննարկմանը:

«alikonline.ir» - Սաուդական Արաբիայի կառավարութիւնն արգելափակել է Իրանի Իսլամական Հանրապետութեան պատւիրակութեան մասնակցութիւնը Ջիդդայում, Իսլամական համագործակցութեան կազմակերպութեան կենտրոնակայանում կայանալիք, պաղեստինա-իսրայէլական հակամարտութեան կարգաւորման հարցով «դարի գործարք»-ի քննարկմանը: Այս մասին տեղեկացրել է ԱԳ նախարարութեան պաշտօնական ներկայացուցիչ Սէյէդ Աբբաս Մուսաւին:

Նշենք, որ նիստը, որը հրաւիրւել է Պաղեստինի ինքնակառավարման ղեկավարութեան առաջարկով, եւ կազմակերպութեան գլխաւոր քարտուղարի նախաձեռնութեամբ կայանալու է այսօր՝ փետրւարի 3-ին:

«Չնայած, որ Իսլամական համագործակցութեան կազմակերպութեան գլխաւոր քարտուղարը հրաւիրել էր նաեւ Իրանի Իսլամական Հանրապետութեանը, որպէս կազմակերպութեան ակտիւ անդամ՝ մասնակցելու Ջիդդայի հանդիպմանը, Սաուդական Արաբիայի կառավարութիւնը, որը Ջիդդայում կազմակերպութեան կենտրոնակայանն է հիւրընկալում, խախտել է կառավարութեան յստակ պարտաւորութիւնները, եւ այս միջազգային կազմակերպութեան ընթացակարգում նշւած սկզբունքները, այդ թւում՝ կազմակերպութեան բոլոր գործողութիւններում մասնակից պետութիւնների ազատ եւ անսահմանափակ մասնակցութեան ապահովման անհրաժեշտութիւնը, մինչ հանդիպմանը նախորդած վերջին ժամերը հրաժարւել է վիզա տրամադրել ԱԳ նախարարի տեղակալ Հոսէյն Ջաբերի Անսարիի գլխաւորած Իրանի Իսլամական Հանրապետութեան պատւիրակութեանը»,- ասել է ԱԳՆ մամլոյ խօսնակը՝ նշելով, որ կազմակերպութեան անդամ երկրներից մի քանիսը քննադատել են Սաուդական Արաբիայի այս մօտեցումը: Մուսաւին տեղեկացրել է, որ Իրանի Իսլամական Հանրապետութեան արտաքին գործերի նախարարութիւնը բողոքի նոտա է յղել Իսլամական համագործակցութեան կազմակերպութեան քարտուղարութեանը, որը տրամադրւելու է անդամ երկրների ներկայացուցիչներին: 

Անդրադառնալով Սաուդական Արաբիայի կողմից կազմակերպութեան կենտրոնակայանի հիւրընկալման չարաշահմանը, այդ թւում՝ Ջիդդայի կենտրոնակայանում կայցող նիստերին անդամ երկրների ազատ մասնկացութեան սահամանափակումը, մանաւանդ՝ այնպիսի կարեւոր թեմայով, ինչպիսին է Պաղեստինի հարցը, բողոքի նոտայում նշւած է, որ նման գործելաոճը լուրջ կասկածի տակ է տանում այդ երկրի արժանաւորութիւնը՝ հիւրընկալելու Իսլամական համագործակցութեան կազմակերպութեան կենտրոնակայանը:

 

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։