Հա

Քաղաքական

15/02/2020 - 10:30

«Իրանի վերադարձն իր ստանձնած պարտաւորութիւններին պայմանաւորւած է Եւորպայի գործողութիւններով». Զարիֆ

Իրանը կը վերադառնայ իր պարտաւորութիւններին, եթէ Եւրոպան կատարի Միջուկային գործարքով իր ստանձնած պարտաւորութիւնները:

«alikonline.ir» - Իրանը կը վերադառնայ իր պարտաւորութիւններին, եթէ Եւրոպան կատարի Միջուկային գործարքով իր ստանձնած պարտաւորութիւնները: Այս մասին Միւնխէնի անվտանգութեան վեհաժողովի շրջանակում, լրագրողների հետ հանդիպման ժամանակ յայտարարել է ԱԳ նախարար Մոհամմադ Ջաւադ Զարիֆը:

«Իրանը կը որոշի ստանձնած պարտաւորութիւնների վերաբերեալ Եւրոպայի գործողութիւնները բաւարա՞ր են արդեօք, մեր ստանձնած պարտաւորութիւնների վերականգնման համար, թէ՞ ոչ»,- ասել է Զարիֆը՝ յաւելելով, որ եթէ եւրոպական կողմն ապահովի Իրանի տնտեսական շահերը, ապա Թեհրանը պատրաստ է վերադառնալ Միջուկային գործարքով ստանձնած իր պարատաւորութիւնների լիարժէք իրականացմանը:

ԱԳՆ ղեկավարը յստակեցրել է, որ խօսքը ոչ թէ ինչ-որ մարդասիրական գործողութիւնների, այլ, Միջուկային գործարքով ամրագրւած տնտեսական առաւելութիւններից լիարժէք օգտւելու՝ Իրանի ժողովրդի իրաւունքի մասին է:

«Իրանը շատ է տուժել ԱՄՆ պատժամիջոցների պատճառով, բայց եթէ Եւրոպան իմաստալից քայլեր ձեռնարկի, մենք նոյնպէս գործողութիւններ կը ձեռնարկենք»,- եզրափակել է Զարիֆը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։