Հա

Քաղաքական

17/05/2020 - 08:50

«Չենք սպասելու եւ վաճառելու ենք մեր նաւթը». Կառավարութեան խօսնակ

Անդրադառնալով Իրանի եւ Վենեզուէլայի միջեւ առեւտրատնտեսական յարաբերութիւններին, Կառավարութեան խօսնակ Ալի Ռաբիին նշել է, որ Իրանի եւ Վենեզուէլայի միջեւ առեւտրատնտեսական յարաբերութիւնները, որպէս աշխարհի երկու անկախ պետութիւններ, որեւէ կապ չունի որեւէ մէկին:

«alikonline.ir» - Անդրադառնալով Իրանի եւ Վենեզուէլայի միջեւ առեւտրատնտեսական յարաբերութիւններին, Կառավարութեան խօսնակ Ալի Ռաբիին նշել է, որ Իրանի եւ Վենեզուէլայի միջեւ առեւտրատնտեսական յարաբերութիւնները, որպէս աշխարհի երկու անկախ պետութիւններ, որեւէ կապ չունի որեւէ մէկին: Այս մասին ըստ ԻՌՆԱ-ի՝ նա ասել է Ապրանքների եւ արտարժոյթի մաքսանենգութեան դէմ պայքարի կենտրոնակն շտաբում կայացած հանրութեան հետ կապերի բաժինների ղեկավարների խորհրդակցական հանդիպման ժամանակ: 

«Իրանը եւ Վենեզուէլան երկու անկախ պետութիւններ են: Ամբողջ աշխարհի պէս, մենք եւս Վենեզուէլայի հետ առեւտրական կապեր ունենք»,- ասել է Ռաբիին՝ անդրադառնալով վերջին շաբաթների ընթացքում Իրանի եւ Վենեզուէլայի միջեւ առեւտրատնտեսական յարաբերութիւնների միջեւ շրջանառւող խօսակցութիւններին: 

«Իրանը որոշակի ապրանքներ է տալիս Վենեզուէլային, ինչպէս նաեւ՝ ապրանքներ է ստանում: Այս հարցը որեւէ մէկին կապ չունի»,- ասել է նա՝ յստակեցնելով. «Մենք եւ Վենեզուէլան անկախ պետութիւններ ենք, եւ տարբեր ապրանքներ ենք փոխանակում: Մենք չենք սպասելու եւ վաճառելու ենք մեր նաւթը»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։