Հա

Քաղաքական

18/05/2020 - 13:50

«Իրանական լցանաւերի դէմ ցանկացած արկածախնդրութեան հետեւանքների պատասխանատւութիւնը կրելու է ԱՄՆ-ը». Սէյէդ Աբբաս Մուսաւի

«Իրանը շարունակելու է պայքարել յանուն Ղոդսի տեսլականի իրականացմանը, եւ պահպանելու է այդ տեսլականի դրօշակակրի իր դիրքերը»,- այս մասին յայտարարել է ԱԳ նախարարութեան պաշտօնական ներկայացուցիչ Սէյէդ Աբբաս Մուսաւին՝ յաւելելով, որ համաշխարհային վերջին զարգացումներով պայմանաւորւած՝ Իրանը առաւել քան երբեւէ շարունակելու է պայքարել յանուն Պաղեստինի ժողովրդի, քանի դեռ չի աւարտւել նրանց դէմ իրականացւող բռնութիւնը, ոճրագործութիւնը եւ յանցագործութիւնը:

«alikonline.ir» - «Իրանը շարունակելու է պայքարել յանուն Ղոդսի տեսլականի իրականացմանը, եւ պահպանելու է այդ տեսլականի դրօշակակրի իր դիրքերը»,- այս մասին յայտարարել է ԱԳ նախարարութեան պաշտօնական ներկայացուցիչ Սէյէդ Աբբաս Մուսաւին՝ յաւելելով, որ համաշխարհային վերջին զարգացումներով պայմանաւորւած՝ Իրանը առաւել քան երբեւէ շարունակելու է պայքարել յանուն Պաղեստինի ժողովրդի, քանի դեռ չի աւարտւել նրանց դէմ իրականացւող բռնութիւնը, ոճրագործութիւնը եւ յանցագործութիւնը:

«Ղոդսը առաւել քան երբեւէ կարեւորւելու է»,- յստակեցրել է է ԱԳ նախարարութեան պաշտօնական ներկայացուցիչը՝ յաւելելով, որ Իսլ. յեղափոխութեան առաջնորդն այդ օրւայ առիթով ելոյթ է ունենալու, ինչն էլ նա համարել է բացառիկ երեւոյթ:

Սէյէդ Աբբաս Մուսաւին անդրադառնալով տարածաշրջանային դիւանագիտական վերջին զարգացումներին նշել է, որ Իրանը ողջունում է իր հարեւան երկրներում՝ Իրաքում եւ Աֆղանստանում քաղաքական ճգնաժամի աւարտը. «Երկար ժամանակ տեւած կոնֆլիկտները վերջապէս աւարտեցին»,- նշել է նա:

Մուսաւին առանցքային է համարել Իրաքում նոր կառավարութեան հաստատմանը փաստը. «Հակաիրաքեան դաւադրութիւնների չէզոքացման եւ յաղթահարման համար, այդ երկրին անհրաժեշտ էր հզօր կառավարութիւն, այդ կառավարութիւնը վերջապէս կազմւեց, եւ Իրանն էլ հովանաւորում է նրանց»:

Իրանի արտաքին գերատեսչութեան պաշտօնական ներկայացուցչի խօսքով՝ Իրանն առաջին երկիրն էր, ով ողջունեց Աֆղանստանում համաձայնութեան կայացման փաստը. «Յոյս ունենք դա կը նպաստի բոլոր կողմերի միջեւ կոնֆլիկտների կարգաւորմանը, կը նպաստի միջաֆղանական երկխօսութեան ծաւալմանը, Աֆղանստանում խաղաղութեան հաստատմանը, եւ այդ երկրի բարգաւաճմանը»,- ասել է նա:

Մուսաւին ԱՄՆ-ի՝ իրանական լցանաւերի նկատմամբ սպառնալիքներն անբարոյականութիւն է որակել՝ նշելով, որ Միացեալ Նահանգների ցանկացած արկածախնդրութիւն կը հանդիպի Իրանի համարժէք եւ համաչափ պատասխանի, որի հնարաւոր հետեւանքների պատասխանատւութիւնը կրելու է ԱՄՆ-ը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։