Հա

Քաղաքական

02/06/2020 - 08:35

«Լռելն ու կառավարութեան գործունէութեան չլուսաբանելը անիրաւութիւն է ողջ համակարգի նկատմամբ». Հանրապետութեան նախագահ

Ելոյթ ունենալով թռիչքային արտադրութեան իրականացման ծրագրաւորման եւ ազգային նշանակութեան գլոբալ նախագծերն աւարտի հասցնելու մասին հանդիպմանը, Հանրապետութեան նախագահ դոկտ. Հասան Ռոհանին նշել է, որ կառավարութեան ձեռքբերումներն ու նւաճումները միանանշանակ ողջ համակարգի նւաճումներն են, եւ քննադատել է դրանք չլուսաբանելու փորձերը:

«alikonline.ir» - Ելոյթ ունենալով թռիչքային արտադրութեան իրականացման ծրագրաւորման եւ ազգային նշանակութեան գլոբալ նախագծերն աւարտի հասցնելու մասին հանդիպմանը, Հանրապետութեան նախագահ դոկտ. Հասան Ռոհանին նշել է, որ կառավարութեան ձեռքբերումներն ու նւաճումները միանանշանակ ողջ համակարգի նւաճումներն են, եւ քննադատել է դրանք չլուսաբանելու փորձերը. Հաղորդում է ԻՌՆԱ-ն:

«Լռելն ու կառավարութեան գործունէութեան չլուսաբանելը անիրաւութիւն է ողջ համակարգի եւ ժողովրդի նկատմամբ: Իսլամական համակարգին սազական չէ, որ կառավարութեան ձեռքբերումները եւ դրական գործունէութիւնը չի ներկայացւում ժողովրդին»,- ասել է նա:

Նշելով, որ ամենաբարդ պայմաններում կառավարութեանը յաջողւել է ղեկավարել երկրի տնտեսութիւնը, դոկտ. Ռոհանին ասել է. «Բոլոր գերատեսչութիւնը պարտաւոր են թռիչքային արտադրութեան կարգախօսի իրականացման եւ ազգային նշանակութեան գլոբալ նախագծերն աւարտին հասցնելու համար մշակւած ծրագիր ներկայացնեն, եւ այս ուղղութեամբ միւս գերատեսչութիւնների հետ համադրաբար, պէտք է քայլեր ձեռնարկեն՝ արտադրութեան խոչընդոտները վերացնելու ուղղութեամբ, եւ ամսական կտրւածքով կատարւած աշխատանքների մասին զեկոյց ներկայացնեն ժողովրդին»:

«Կառավարութեան վճռականութիւնը՝ արտադրութեան թռիչքի կարգախօսն իրականացնելու համար լուրջ է: Քանի որ հաւատացած ենք, որ ժողովրդի աջակցութեամբ կառավարութեան յաջողութիւնն այս հարցում, լուրջ քայլ է ողջ համակարգի յաջողութեան համար: Հետեւաբար, անհրաժեշտ է, որ համակարգի բոլոր կառոյցները գործեն միասնական ղեկավարութեան ներքոյ, որպէսզի ինչպէս մեզ յաջողւեց կորոնավիրուսի դէմ պայքարում, կարողանանք իրականացնել արտադրութեան թռիչքի կարգախօսը, եւ նախապատրաստւենք «Իրան-1400» մուտք գործելու համար»,- յստակեցրել է նա:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։