Հա

Քաղաքական

11/07/2020 - 10:15

«Գեներալ Սոլէյմանիի սպանութիւնը ԱՄՆ պետական ահաբեկչութեան յստակ օրինակ է»․ Մաջիդ Թախթ Ռաւանչի

ՄԱԿ-ում Իրանի մշտական ներկայացուցիչ Մաջիդ Թախթ Ռաւանչին գեներալ Ղասեմ Սոլէյմանիի սպանութիւնը համարել է ԱՄՆ պետական ահաբեկչութեան յստակ օրինակ, որի համար այդ պետութիւնը պէտք է միջազգային պատասխանատւութեան ենթարկւի:

«alikonline.ir» - ՄԱԿ-ում Իրանի մշտական ներկայացուցիչ Մաջիդ Թախթ Ռաւանչին գեներալ Ղասեմ Սոլէյմանիի սպանութիւնը համարել է ԱՄՆ պետական ահաբեկչութեան յստակ օրինակ, որի համար այդ պետութիւնը պէտք է միջազգային պատասխանատւութեան ենթարկւի: Այս մասին ըստ ԻՌՆԱ-ի՝ նա յայտարարել է ահաբեկչութեան դէմ պայքարի վիրտուալ շաբաթւայ առիթով յատուկ նիստի ընթացքում:

«Տարածաշրջանում ահաբեկչութեան դէմ պայքարի հերոսի՝ գեներալ Սոլէյմանի դաժան սպանութիւնը Իրաք կատարած պաշտօնական այցի ընթացքում, պետական ​​ահաբեկչութեան եւ միջազգային իրաւունքի հիմնարար սկզբունքների կոպիտ խախտման ակնյայտ օրինակ է, որը ենթադրում է ոճրագործների քրէական պատասխանատւութիւնը»,- ասել է նա:

Իրանցի բարձրաստիճան դիւանագէտը նաեւ պաղեստինցիների դէմ իրականացւող դաժան բռնաճնշումը ահաբեկչութեան ամենավատ օրինակն է համարել՝ շեշտելով, որ դա նոյնպէս պէտք է դատապարտւի միջազգային հանրութեան կողմից:

Իր ելոյթում, Թախթ Ռաւանչին ահաբեկչութեան դէմ պայքարի միակ միջոցը համարել է բազմակողմանիութեան ամրապնդումը՝ միջազգային համագործակցութեան ընդլայնման եւ ահաբեկչութեանը կոլեկտիւ պատասխանելու միջոցով: 

Նա միակողմանի մօտեցումներն անւանել է միջազգային ահաբեկչութեան դէմ պայքարի ամենակարեւոր մարտահրաւէրը՝ յաւելելով, որ հարկադրանքի միակողմանի միջոցները կանխում  են ահաբեկչութեանը կոլեկտիւ արձագանքման համար անհրաժեշտ գործիքակազմի հասանելիութիւնը՝ թուլացնելով այս ոլորտում միջազգային ջանքերը: 

ՄԱԿ-ում Իրանի մշտական ներկայացուցիչը Իրանի դէմ ԱՄՆ գործողութիւնները որակել է որպէս մարդու իրաւունքների, Իրանի ժողովրդի կեանքի եւ զարգացման իրաւունքի դէմ ուղղւած կառուցւածքային բռնութիւն, ինչպէս նաեւ՝ ահաբեկչութեան յստակ օրինակ, իսկ աւելի որոշակի՝ տնտեսական ահաբեկչութիւն, որը դիտաւորեալ թիրախաւորում է շարքային քաղաքացիներին եւ մեծ վնաս պատճառում նրանց:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։