Հա

Քաղաքական

30/07/2020 - 12:20

«Համաճարակի պիկն անցկացման փուլում ենք». Հանրապետութեան նախագահ

Հանրապետութիւնում կորոնավիրուսի յաղթահարման փուլ է սկսւել եւ հակահամաճարակային միջոցառումների անկիւնաքարը զգօնութեան պահպանումն է: Այս մասին այսօր Ֆարս, Խուզեստան եւ Մազանդարան քաղաքներում արդիւնաբերութեան եւ հանքարդիւնաբերութեան ոլորտի մի քանի ազգային նախագծի շահագործման յանձման վիրտուալ արարողութեան ժամանակ շեշտել է Հանրապետութեան նախագահ դոկտ. Հասան Ռոհանին:

«alikonline.ir» - Հանրապետութիւնում կորոնավիրուսի յաղթահարման փուլ է սկսւել եւ հակահամաճարակային միջոցառումների անկիւնաքարը զգօնութեան պահպանումն է: Այս մասին այսօր Ֆարս, Խուզեստան եւ Մազանդարան քաղաքներում արդիւնաբերութեան եւ հանքարդիւնաբերութեան ոլորտի մի քանի ազգային նախագծի շահագործման յանձման վիրտուալ արարողութեան ժամանակ շեշտել է Հանրապետութեան նախագահ դոկտ. Հասան Ռոհանին:

Նշելով, որ հակահամաճարակային միջոցառումները, հանրապետութեան երկու քաղաքներից բացի, արդիւնաւէտ են աշխատել, գրեթէ, երկրի ամբողջ տարածքում, նախագահ Ռոհանին յստակեցրել է, որ իրավիճակի բարելաւման ֆոնին քաղաքացիները չպէտք է թուլացնեն զգօնութիւնը:

«Կորոնավիրուսի համավարակի բռնկման, եւ մեր երկրի դէմ սահմանւած ամենադաժան պատժամիջոցների ճնշման ֆոնին՝ մեր ժողովուրդը որդեգրել է դիմադրութեան բարձր մակարդակ»,- նշել է նա՝ յաւելելով, որ Իրանի ժողովուրդն, այդպէս էլ չի ընկրկի ԱՄՆ-ի, եւ կորոնավիրուսի ճնշումներին: 

Ինչ վերաբերում է համավարակի կարմիր գօտում յայտնւած երկու քաղաքներին, նախագահ Ռոհանին շեշտել է, որ անհրաժեշտ է այդ քաղաքներում բարելաււել իրավիճակը նոր լուծմների կիրառմամբ, եւ հակահամաճարակային ամենախիստ միջոցառումների պահպանման գործողութիւններով:

Նախագահ Ռոհանին նաեւ նկատել է, որ համաճարակի դէմ պայքարում արձանագրւած դրական արդիւնքները մեծապէս պայմանաւորւած են առողջապահական համակարգի, մասնաւորապէս բուժաշխատողների գործադրած ջանքերով:

Յարակից լուրեր

  • Մահւան 15 նոր դէպք՝ կորոնավիրուսի պատճառով
    Մահւան 15 նոր դէպք՝ կորոնավիրուսի պատճառով

    Իրանական աբան ամսւայ ընթացքում, թեհրանահայ համայնքում կորոնավիրուսի պատճառով մահացութեան դէպքերի աճ արձանագրւելով, ունեցել ենք մահւան 15 նոր դէպքեր:

  • Աշխարհում կորոնավիրուսով վարակւածների թիւը հատել է 50 միլիոնի շեմը
    Աշխարհում կորոնավիրուսով վարակւածների թիւը հատել է 50 միլիոնի շեմը

    Աշխարհում նոր տեսակի կորոնավիրուսով վարակւածների թիւը գերազանցել է 50 միլիոնը, ինչի մասին վկայում են Worldometers.info առցանց թարմացւող կայքի տւեալները:

  • Բայդէնը խօսել է իր քաղաքականութեան առաջնահերթութիւնների մասին
    Բայդէնը խօսել է իր քաղաքականութեան առաջնահերթութիւնների մասին

    Նա ընդգծել է ժողովրդավարական արժէքների պաշտպանութեան եւ ամերիկացիների համար հաւասար հնարաւորութիւնների ստեղծման անհրաժեշտութիւնը:

  • Հեռավար ուսուցում
    Հեռավար ուսուցում

    Աշխարհում եւ մեր երկրում անսահման կերպով տարածւած թագավարակի պատճառով, մեր հայ աշակերտութեանը հեռու պահելու վարակից, ճարահատեալ մինչեւ վարակի վերացումը, մեր ազգային դպրոցներում կիրառւել է հեռավար ուսուցում, որն թէեւ ժամանակաւորպէս նպաստում է աշակերտութեանը դասերից յետ չմնալուն, սակայն երկար ժամանակի վրայ ունի իր անցանկալի վնասները:

  • Հաղորդագրութիւն
    Հաղորդագրութիւն

    Նկատի առնելով երկրում տիրող կորոնավիրուս համաճարակի պատճառով գոյացած առողջապահական ճգնաժամային իրավիճակը եւ վիրուսի տարածման նոր թափը, ինչպէս նաեւ համայնքիս մէջ վերջին օրերի ընթացքում արձանագրւած մահացութեան եւ վարակւածների թւի աճը, կրկին անգամ կոչ ենք ուղղում մեր հայրենակիցների առաւել քան երբեւէ զգօն լինել եւ ուշիուշով հետեւել երկրի Առողջապահութեան նախարարութեան միջոցով հաղորդւող յորդորներին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։