Հա

Քաղաքական

13/08/2020 - 09:05

Դեսպան Թումանեանն այցելել է ԻԻՀ Իսլ. խորհրդարան

Oգոստոսի 12-ին Իրանում ՀՀ արտակարգ եւ լիազօր դեսպան Արտաշէս Թումանեանն այցելել է Իսլ. խորհրդարան, որտեղ հանդիպում է ունեցել խորհրդարանի Արտաքին քաղաքականութեան եւ ազգային անվտանգութեան յանձնաժողովի նախագահ Մոջթաբա Զոլնուրի հետ:

«alikonline.ir» - Oգոստոսի 12-ին Իրանում ՀՀ արտակարգ եւ լիազօր դեսպան Արտաշէս Թումանեանն այցելել է Իսլ. խորհրդարան, որտեղ հանդիպում է ունեցել խորհրդարանի Արտաքին քաղաքականութեան եւ ազգային անվտանգութեան յանձնաժողովի նախագահ Մոջթաբա Զոլնուրի հետ: Այց մասին տեղեկանում ենք դեսպանատան ֆէյսբուքեան էջից։

Հանդիպման ընթացքում զրուցակիցները քննարկել են երկկողմ յարաբերությիւններին առնչւող հարցերի լայն շրջանակ:

Անդրադարձ է եղել ԼՂ հակամարտութեան կարգաւորման խնդրին: Այս համատեքստում դեսպան Թումանեանը տեղեկութիւններ է ներկայացրել յուլիս ամսին հայ-ադրբեջանական սահմանին տեղի ունեցած ռազմական բախման մասին:

Կողմերը քննարկել են նաեւ կորոնավիրուսային համավարակին, Իրանի նկատմամբ շարունակւող ամերիկեան պատժամիջոցների պայմաններում առեւտրատնտեսական յարաբերութիւնների ներկայ վիճակին եւ զարգացման հնարաւորութիւններին վերաբերող մի շարք հարցեր:

Յատուկ անդրադարձ է կատարւել ԵԱՏՄ-Իրան համագործակցութեան ամրապնդմանը եւ այս առումով Իրան-Հայաստան յարաբերութիւնների առանձնայատուկ նշանակութեանը:

Քննարկւել են նաեւ երկկողմ եւ տարածաշրջանային յարաբերութիւններին առնչւող մի շարք այլ հարցեր:

Արտաշէս Թումանեանը եւ Մոջթաբա Զոլնուրը կարեւորել են միջխորհրդարանական համագործակցութեան խորացման անհրաժեշտութիւնն՝ ընդգծելով յատկապէս խորհրդարանների ղեկավարների, մշտական յանձնաժողովների եւ բարեկամութեան խմբերի միջեւ փոխգործակցութեան ակտիւացումը:

Նշենք, որ հանդիպմանը ներկայ են եղել նաեւ խորհրդարանում իրանահայութեան պատգամաւորներ Ռոբերտ Բեգլարեանը եւ Արա Շահվերդեանը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։