Հա

Քաղաքական

31/10/2020 - 12:50

ԼՂ հակամարտութեան խաղաղ կարգաւորմանն ուղղւած Իրանի նախագծի մանրամասները

«Ֆարս» լրատւական գործակալութիւնը վկայակոչելով «Խորասան» օրաթերթին ներկայացրել է ԼՂ հակամարտութեան խաղաղ կարգաւորմանն ուղղւած Իրանի նախագծի մանրամասնութիւնները:

«alikonline.ir» - «Ֆարս» լրատւական գործակալութիւնը վկայակոչելով «Խորասան» օրաթերթին ներկայացրել է ԼՂ հակամարտութեան խաղաղ կարգաւորմանն ուղղւած Իրանի նախագծի մանրամասնութիւնները:

Ըստ գործակալութեան՝ «Խորասան» օրաթերթին մօտ կանգնած աղբիւրները նշել են, որ իրանական նախագիծն ունի երեք հիմնական յատկանիշ: Առաջին. այն հիմնւած է միջազգայնօրէն ընդունւած սկզբունքների, մասնաւորապէս՝ ՄԱԿ-ի Անվտանգութեան խորհրդի բանաձեւերի վրայ: Երկրորդ. նախապատւութիւնը տրւում է տարածաշրջանային մօտեցմանը: Երրորդ. հիմնւած է իրատեսութեան եւ առկայ փաստերի եւ վիճակի վրայ:

Նախագծի մէկ այլ առանձնայատկութիւնն այն է, որ նախատեսում է ԵԱՀԿ Մինսկի խմբի կողքին, ձեւաւորել եւս մէկ միջնորդական առաքելութիւն, որը կը ներառի Հայաստանի եւ Ադրբեջանի հարեւան երկրներին՝ Իրանին, Ռուսաստանին եւ Թուրքիային:

Նախագիծը նախատեսում է, որ Հայաստանը պէտք է Ադրբեջանին փոխանցի յայտնի 7 շրջանները, ինչը ամրագրւած է նաեւ ՄԱԿ-ի ընդունած բանաձեւերում:

Արցախի կարգավիճակի վերաբերեալ Իրանի նախագիծը կախւած է պատերազմական գործողութիւնների դադարեցման եւ, միաժամանակ, հրադադարի ռեժիմից:

Նախագիծը շեշտում է, որ Ադրբեջանը պէտք է ճանաչի արցախահայութեան իրաւունքները, եւ որ միջնորդ երկրները պէտք է երաշխաւորեն Արցախի բնակչութեան անվտանգութիւնն ու պաշտպանութիւնը, իսկ Արցախի կարգավիճակը որոշելու համար յետագայում քաղաքական բանակցութիւններ կանցկացւեն:

Յարակից լուրեր

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։