Հա

Քաղաքական

13/12/2020 - 13:30

Իսլ. խորհրդարանի պատգամաւորները դատապարտել են Թուրքիայի նախագահ Ռեջեբ Թայիբ Էրդողանի վերջերս Բաքւում հնչեցրած յայտարարութիւնը

Իսլ. խորհրդարանի պատգամաւորները դատապարտել են Թուրքիայի նախագահ Ռեջեբ Թայիբ Էրդողանի վերջերս Բաքւում հնչեցրած յայտարարութիւնը՝ նշելով, որ իրանցի ժողովուրդը, մասնաւորապէս՝ Ատրպատականի շրջանի մեր հայրենակիցները անբաժանելի եւ խորը արմատներով կապւած են իրանական մշակոյթին, Իսլ. յեղափոխութեանը եւ յեղափոխութեան առաջնորդ այաթ. Սէյէդ Ալի Խամենէիին:

«alikonline.ir» - Իսլ. խորհրդարանի պատգամաւորները դատապարտել են Թուրքիայի նախագահ Ռեջեբ Թայիբ Էրդողանի վերջերս Բաքւում հնչեցրած յայտարարութիւնը՝ նշելով, որ իրանցի ժողովուրդը, մասնաւորապէս՝ Ատրպատականի շրջանի մեր հայրենակիցները անբաժանելի եւ խորը արմատներով կապւած են իրանական մշակոյթին, Իսլ. յեղափոխութեանը եւ յեղափոխութեան առաջնորդ այաթ. Սէյէդ Ալի Խամենէիին:

Աւելի քան 225 պատգամաւորի ընդունած յայտարարութեան տեքստում, որը հրապարակւել է այսօր, խորհրդարանի հերթական նիստի ընթացքում՝ պատգամաւորները յստակեցրել են, որ Ատրպատականը անքակտելի ամուր կապերով կապւած է մայր հայրենիքին, եւ հաւատարիմ է յանուն Իրանի եւ Իսլ. յեղափոխութեան իրենց կեանքը զոհաբերած նահատակների եւ անձնուրացների ճանապարհին:

Իսլամական աշխարհի միասնականութեան ջատագով, խաղաղութեան եւ կայունութեան հաստատման եւ բարիդրացիականութեան գաղափարակիր ներկայացող Թուրքիայի նախագահից, ըստ Իսլ. խորհրդարանի պատգամաւորների՝ նման վարքագծի դրսեւորումը անընդունելի է եւ խիստ դատապարտելի:

Անդրադառնալով Բաքւում տեղի ունեցած ռազմական շքերթի ժամանակ Թուրքիայի նախագահի անջատողական գաղափարներ ներառող բանաստեղծութեան մէջբերմանը նրանք շեշտել են, որ չպէտք է խեղաթիւրել պատմական իրողութիւնները, միեւնոյն ժամանակ յստակեցնլով. «Այդ բանաստեղծութիւնը յիշեցնում է Իրանին իր պատմական տարածքներից եւ ժողովրդից պարտադրաբար բաժանելու պատմութեան ողբերգական դրւագը»:

Պատգամաւորները դատապարտելով անջատողականութեան ներառող դրսեւորումները նաեւ յստակեցրել են Իրանի տարածքային ամբողջականութեան սկզբունքի պահպանման անշրջելիութիւնը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։