Հա

Քաղաքական

19/12/2020 - 12:40

«Ադրբեջանի եւ Թուրքիայի հետ առաջիկայ տասնամեակներում եւս բարեկամութիւնը անհնար է». Նայիրի Յոխիկեան

 Լրագրող Նայիրի Յոխիկեանն իր ֆէյսբուքեան էջում գրում է. «Կապանի «Արմատ» սահմանապահ կամաւորական ջոկատի հրամանատար Արթուր Արամեանի հետ խօսում էի Սիւնիքի այսօրւայ վիճակի մասին:

«alikonline.ir» - Լրագրող Նայիրի Յոխիկեանն իր ֆէյսբուքեան էջում գրում է.

«Կապանի «Արմատ» սահմանապահ կամաւորական ջոկատի հրամանատար Արթուր Արամեանի հետ խօսում էի Սիւնիքի այսօրւայ վիճակի մասին:

Մտահոգութիւն ասւածը քիչ է, բայց միաժամանակ սահմանին ապրող հայերը աւելի իրական են գնահատում իրավիճակը:

«Աշխարհաքաղաքական փոփոխութիւններ են եղել աշխարհում, ու մենք պէտք է քայլենք այդ փոփոխութիւններին համապատասխան, ոչ թէ հետեւենք 30 տարի առաջւայ քարտէզներին: Մարդիկ իրենց անվտանգութեան գօտին են ուզում ապահովել, ոչ թէ ապրել թշնամու զօրքից 300 մետր հեռաւորութեան վրայ»,- Արթուրի խօսքերն են:

Կապանցի սահմանապահը չի հասկանում Սիւնիքի արեւելեան ամենակարեւոր բարձունքները թշնամուն յանձնելու տրամաբանութիւնը:

Բարձունքներն ընդհանրապէս անվտանգութեան բնական երաշխաւոր են, հակառակորդ կողմի համար՝ յարձակման լաւ նախապայման: Որեւէ մէկը կարող է՞ վստահ լինել, որ Կապանի յարակից բարձունքներից Ադրբեջանը չի յարձակւի:

Ըստ Արթուր Արամեանի՝ ՀՀ որոշ պաշտօնեաներ սիւնեցիներին ասել են, թէ այդ բարձունքները մեզ պէտք չեն: Ինձ հետաքրքիր է, այդ մարդիկ պետական մտածողութիւն ունեցող մարդիկ ե՞ն եղել, թէ՞ «խաղաղարարութեան» ինչ-որ նախաձեռնութիւններից:

Չկայ անպէտք բարձունք:

Սիւնեցիներին եւս պաշտօնեաները համոզում են, թէ պէտք է գնալ «ցաւոտ զիջումների», որպէսզի ապահովենք վաղւայ համերաշխութիւնը Ադրբեջանի եւ Թուրքիայի հետ:

Զանգեզուրի, յատկապէս Սիւնիքի հայերը, որոնք տեսել են 1915-ի ցեղասպանութիւն, տեսել են 1990-ականների յարձակում Նախիջեւանից ու Արցախի հարաւում տեղաւորւած ադրբեջանական զօրքից, տեսել են ազգամիջեան բախումների հրահրում Սիւնիքում նստած թուրք-թաթարական բնակչութեան հետ, չեն կարող հաւատալ որեւէ բարեկամութեան:

Հեքիաթներին ես էլ վաղուց չեմ հաւատում: Ադրբեջանի եւ Թուրքիայի հետ առաջիկայ տասնամեակներում եւս բարեկամութիւնը անհնար է: Նախ՝ նրանք երբեք չեն դադարի Հայաստանը բնաջնջելու մտքից, ապա՝ մենք երբեք չենք կարող հրաժարւել մեր տարածքները վերադարձնելու գաղափարից ու աշխատանքից:

Հետեւաբար՝ պայքարը յաւերժ է, պէտք է անընդհատ պատրաստւել, որքան էլ անհեռատես գործիչները մեզ կրաւորական կեցւածք քարոզեն ու հերթով զիջեն մեր կենսական տարածքները»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։