Հա

Քաղաքական

07/01/2021 - 13:40

«ԱՄՆ վերջին իրադարձութիւնները փաստեցին արեւմտեան ժողովրդավարութեան սնամէջութիւնը». Նախագահ Ռոհանին

Ազգային նշանակութեան մի շարք նախագծերի շահագործման յանձնման արարողութեան ժամանակ, որը տեղի ունեցաւ այսօր՝ յունւարի 7-ին տեսակապի միջոցով, Հանրապետութեան նախագահ դոկտ. Հասան Ռոհանին ի թիւս այլ հարցերի անդրադարձել է նաեւ այսօր ԱՄՆ Կոնգրեսում տեղի ունեցած անկարգութիւններին՝ նշելով, որ դրանք փաստեցին արեւմտեան ժողովրդավարութեան սնամէջութիւնը։

«alikonline.ir» - Ազգային նշանակութեան մի շարք նախագծերի շահագործման յանձնման արարողութեան ժամանակ, որը տեղի ունեցաւ այսօր՝ յունւարի 7-ին տեսակապի միջոցով, Հանրապետութեան նախագահ դոկտ. Հասան Ռոհանին ի թիւս այլ հարցերի անդրադարձել է նաեւ այսօր ԱՄՆ Կոնգրեսում տեղի ունեցած անկարգութիւններին՝ նշելով, որ դրանք փաստեցին արեւմտեան ժողովրդավարութեան սնամէջութիւնը։

«Այն ինչ, որի ականատեսը եղանք երէկ գիշեր եւ այսօր փաստեց, որ ինչքան սնամէջ է, եւ ինչ թոյլ հիմքերի վրայ է դրւած արեւմտեան ժողովրդավարութիւնը։ Մենք ականատեսը դարձանք, որ այդ երկրներում գիտական եւ արդիւնաբերական բոլոր նւաճումներով հանդերձ, ամբոխավարութիւնը դեռեւս ունի դրսեւորման լաւ հնարաւորութիւն»,- ասել է դոկտ. Ռոհանին՝ յաւելելով. «Տեսանք, թէ ամբոխավար առաջնորդն ինչ արեց եւ ինչպէս պատւազրկեց իր երկրին, եւ ինչպիսի մեծ վնասներ պատճառեց մեր տարածաշրջանին, Պաղեստինին, Սիրիային եւ Եմէնին»։

Նախագահ Ռոհանին նշել է, որ երբ նման անձնաւորութիւնը ստանձնում է որեւէ երկրի ղեկը, լրջագոյն խնդիրներ է ստեղծում իր երկրի եւ միւսների համար. «Յուսով ենք, որ ողջ աշխարհը, այդ թւում, նաեւ, ԱՄՆ գալիք վարչակազմն անհրաժեշտ հետեւութիւններ կանեն այս բոլորից»,- ասել է նախագահը։

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։