Print this page
21/01/2021 - 08:20

Իսլ. խորհրդարանում կրօնական փոքրամասնութիւնների պատգամաւորները հանդիպել են Իրանում Դանիայի դեսպանի հետ

Իսլ. խորհրդարանում կրօնական փոքրամասնութիւնների պատգամաւորներն, այդ թւում՝ իրանահայութեան զոյգ պատգամաւորներ Ռոբերտ Բեգլարեանը եւ Արա Շահվերդեանը հանդիպել են Իրանում Դանիայի դեսպանի հետ:

«alikonline.ir» - Իսլ. խորհրդարանում կրօնական փոքրամասնութիւնների պատգամաւորներն, այդ թւում՝ իրանահայութեան զոյգ պատգամաւորներ Ռոբերտ Բեգլարեանը եւ Արա Շահվերդեանը հանդիպել են Իրանում Դանիայի դեսպանի հետ. հաղորդում է ICANA.ir-ը:

Հանդիպման ընթացքում, իրանական կողմից Սպահանի եւ հարաւային իրանահայութեան պատգամաւոր Ռոբերտ Բեգլարեանը անդրադարձել է Իրանի եւ Դանիայի յարաբերութիւնների խորացման անհրաժեշտութեանը, մասնաւորապէս՝ խորհրդարանական կապերի ընդլայնմանը, երկու երկրների ընդհանուր պատմական անցեալին:

Ռոբերտ Բեգլարեանը նշել է, որ խորհրդարանական մակարդակում իրանական կողմը պատրաստ է համագործացելու երկկողմ համագործակցութիւնների խթանման եւ զարգացման նպատակով:

Կարեւորելով տարբեր ոլորտների, այդ թւում՝ քաղաքակական, մշակութային եւ տնտեսական համագործացկութիւնների խորացման ուղղութեամբ համագործակցութիւնների ծաւալման անհրաժեշտութիւնը, Բեգլարեանը նշել է, որ Իրանի սահմանադրութիւնը համարժէք լուծումներ է նախատեսել կրօնական փոքրամասնութիւնների պատգամաւոների իրաւունքների համար, որի ներուժն ըստ Բեգլարեանի անհրաժեշտ է համապատասխանաբար իրացնել:

Սպահանի եւ հարաւային իրանահայութեան պատգամաւորը նաեւ բարձր է գնահատել Իրանում կրօնական փոքրամասնութիւնների ազատութեան մակարդակը, երկրի կայացման, ինչպէս նաեւ՝ քաղաքական համակարգում նրանց ինտեգրման փաստով, ինչը նրա համոզմամբ՝ վկայում է Իրանում քաղաքացիական ազատութիւնների, ժողովրդավարութեան եւ քաղաքացիական իրաւունքների ամրագրման մասին:

Իրանում Դանիայի դեսպան Ջեսփէր Վարն էլ իր հերթին անդրադարձել է երկու երկրների միջեւ յարաբերութիւնների խորացման եւ համագործակցութեան հեռանկարներին՝ նշելով, որ իր երկիրը շահագրգռւած է ընդլայնել կապերն Իրանի հետ:

Կրօնական փոքրամասնութիւնները ներկայացնող միւս պատգամաւորները հանդիպմանը անդրադարձել են Իրանում կրօնական փոքրամասնութիւնների իրաւունքների պաշտպանւածութեան բարձր մակարդակին՝ գոհունակութեամբ ընդգծելով, որ որ Իրան-Դանիա յարաբերութիւնների խորացման համար կան դրական նախադրեալներ:

Յարակից լուրեր