Հա

Քաղաքական

21/01/2021 - 11:50

«12-րդ կառավարութիւնը ճանապարհ է հարթեցնում յաջորդ կառավարութեան համար». Նախագահ Ռոհանի

12-րդ կառավարութիւնը շահագործման յանձնելով, մի շարք ազգային խոշոր նախագծեր, ճանապարհ է հարթեցնում յաջորդ կառավարութեան համար, որպէսզի նրանք աւարտին հասցնեն մեկնարկւած աշխատանքները: Այս մասին այսօր յունւարի 21-ին յայտարարել է Հանրապետութեան նախագահ դոկտ. Հասան Ռոհանին Պարսից ծոցի «Բիդբոլանդ» գազի վերամշակման գործարանի շահագործման յանձնման արարողութեան ընթացքում:

«alikonline.ir» - 12-րդ կառավարութիւնը շահագործման յանձնելով, մի շարք ազգային խոշոր նախագծեր, ճանապարհ է հարթեցնում յաջորդ կառավարութեան համար, որպէսզի նրանք աւարտին հասցնեն մեկնարկած աշխատանքները: Այս մասին այսօր յունւարի 21-ին յայտարարել է Հանրապետութեան նախագահ դոկտ. Հասան Ռոհանին Պարսից ծոցի «Բիդբոլանդ» գազի վերամշակման գործարանի շահագործման յանձնման արարողութեան ընթացքում:

Նաւթարդիւնաբերական ոլորտին վերաբերող, Խուզեսթան նահանգի թռիչքաձեւ զարգացման 42-րդ նախագիծն ըստ նախագահ Ռոհանիի՝ ենթադրում է «Բիդբոլանդ» գազի վերամշակման ազգային գործարանի բացումն, որն Նախագահ Ռոհանիի հաւաստիացմամբ՝ առանցքային նշանակութիւն ունի մեր երկրի նաւթարդիւնաբերական ոլորտի զարգացման համար:

Դոկտ. Ռոհանին վստահեցրել է, որ Իրանում գազի վերամշակման գործընթացը իրականացւում է էներգետիկ ռեսուրսների վատնման բացառման, եւ բնապահպանական կառավարման անվտանգութեան ապահովմանը միտւած ընթացակարգերով:

Նա նաեւ յաւելել է, որ շուտով նւազագոյնի կը հասցւեն վատնումները եւ բնապահպանական կառավարման ծրագրերն էլ կը կատարելագործւեն:

Նշենք, որ «Բիդբոլանդ» գործարանում, որն Իրանի պատմութեան մէջ ամենամեծ նախագծերից մէկն է, հաւաքւելու են նաւթագազերը եւ վերամշակւելու՝ վերածելով  նաւթաքիմիական համալիրների հումքի: «Բիդբոլանդ» գործարանը, որը Արեւմտեան Ասիայի խոշորագոյն գազի վերամշակման գործարաններից մէկն է, 2020 թւականին ընտրւել է որպէս աշխարհի երրորդ խոշորագոյն նախագիծ եւ պահպանում է երկրի նաւթարդիւնաբերութեան պատմութեան մէջ առանց վթարների  աշխատանքի ռեկորդը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։