Հա

Քաղաքական

15/02/2021 - 13:30

«Եթէ միւս կողմերը չկատարեն իրենց պարտաւորութիւնները, Լրացուցիչ արձանագրութեան իրականացումը կը դադարեցւի». ԱԳՆ խօսնակ

Եթէ միւս կողմը մինչ էսֆանդի առաջին շաբաթը չկատարի իր ստանձնած պարտաւորութիւնները, կառավարութիւնը պարտաւոր կը լինի դադարեցնել Լրացուցիչ արձանագրութեան կամաւոր իրականացումը: 

«alikonline.ir» - Եթէ միւս կողմը մինչ էսֆանդի առաջին շաբաթը չկատարի իր ստանձնած պարտաւորութիւնները, կառավարութիւնը պարտաւոր կը լինի դադարեցնել Լրացուցիչ արձանագրութեան կամաւոր իրականացումը: Այս մասին այսօր՝ փետրւարի 15-ին լարգրողների հետ շաբաթական հանդիպման ժամանակ ասել է ԱԳ նախարարութեան պաշտօնական ներկայացուցիչ Սայիդ Խաթիբզադէն. հաղորդում է ԻՌՆԱ-ն:

«Այս գործողութիւնը նշանակում է արտապադեմանային վերահսկողութեան դադարեցում, այլ, ոչ թէ բոլոր վերահսկողութիւնների աւարտը: Իրականում Իրանը Պադեմանի եւ NPT-ի անդամ է, սակայն Լրացուցիչ արձանագրութիւնը կասեցւելու է»,- ասել է ԱԳՆ մամլոյ խօսնակը՝ շեշտելով, որ բոլոր այս գործողութիւնները հնարաւոր է վերականգնել պայմանով, որ միւսը կողմերը կատարեն իրենց ստանձնած պարտաւորութիւնները:

Անդրադառնալով մետաղական ուրանի արտադրութեանը, Խաթիբզադէն ասել է. «Իրանն այս հարցը դիտարկել էր միջուկային գիտութեան եւ հետազօտութիւնների զարգացման ոլորտում, որը, սակայն, սառեցւել էր Միջուկային գործարքի արդիւնքում: Առաջատար միջուկային վառելիքն օգտագործւում է շատ ռէակտորներում եւ ներկայումս հանդիսանում է միջուկային խաղաղ արդիւնաբերութեան միտումներից: Մետաղական ուրանն առաջատար վառելիքին հասնելու միջոցն է: Իրանը Թեհրանի ռէակտորի վառելիքի զարգացման նպատակով հետազօտութիւնից բացի այլ գործ չի կատարել: Աւելի լաւ է Եւրոպան եւ ԱՄՆ-ն վերադառնան իրենց պարատւորութիւնների կատարմանը, որպէսզի Իրանը եւս վերականգնի իր պարտաւորութիւնների կատարումը»:

Պատասխանելով Միջուկային գործարքի վերակտիւացման նպատակով Կատարի՝ Իրանի եւ ԱՄՆ-ի միջեւ միջնորդական առաքելութիւն ստանձնելու պատրաստակամութեան մասին հարցին, ԱԳՆ պաշտօնական ներկայացուցիչն ասել է, որ Իրանը ողջում է բարեկամ եւ գործընկեր երկրի՝ Կատարի բարի մտադրութիւնը՝ շեշտելով, սակայն, որ ԱՄՆ-ի կողմից Միջուկային գործարքով ստանձնած պարտաւորութիւնների կատարումը միջնորդական առաքելութեան կարիք չունի:

«Այս երկիրը (ԱՄՆ-ԽՄԲ.) հեշտութեամբ կարող է դա կատարել: Ցաւալին այն է, որ այս երկրի գործող կառավարութիւնը դարձել է իր նախորդի՝ պարտաւորութիւնները չկատարելու գործընկերը, ինչը կառուցողական մօտեցում չէ, եւ պէտք է դադարեցւի»,- ասել է Խաթիբզադէն:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։