Հա

Քաղաքական

22/02/2021 - 12:15

«ԱԷՄԳ-ի հետ ձեռք բերւած համաձայնութիւնը Իսլ. խորհրդարանի հաստատած բանաձեւի շրջանակում է». Խաթիբզադէ

 Ատոմային էներգիայի միջազգային գործակալութեան հետ ձեռք բերւած համաձայնութիւնը Իսլ. խորհրդարանի հաստատած բանաձեւի շրջանակում է: Այս մասին այսօր` փետրւարի 22-ին, շաբաթական մամլոյ ասուլիսի ընթացքում յայտարարել է ԱԳ Նախարարի պաշտօնական ներկայացուցիչ Սայիդ Խաթիբզադէն:

«alikonline.ir»- Ատոմային էներգիայի միջազգային գործակալութեան հետ ձեռք բերւած համաձայնութիւնը Իսլ. խորհրդարանի հաստատած բանաձեւի շրջանակում է: Այս մասին այսօր` փետրւարի 22-ին, շաբաթական մամլոյ ասուլիսի ընթացքում յայտարարել է ԱԳ Նախարարի պաշտօնական ներկայացուցիչ Սայիդ Խաթիբզադէն. հաղորդում է ԻՌՆԱ-ն:

«Այն, ինչ արւել է, ամբողջութեամբ խորհրդարանի բանաձեւի շրջանակներում է»,- յստակեցրել է նա՝ յաւելելով, որ  լրացուցիչ կամաւորական պրոտոկոլների իրականացումը եւ թափանցիչութեանը միտւած քայլերը կը դադարեցւեն՝ յառաջիկայ երեք ամիսների ընթացքում, սակայն կը պահպանւեն որոշ անհրաժեշտ վերահսկման գործընթացքները՝ երաշխիքային համաձայնագրի եւ գործողութիւնների շրջանակում:

Անդրադառնալով Ատոմային էներգիայի միջազգային գործակալութեան ղեկավար Ռաֆայէլ Գրոսիի Թեհրան կատարած այցի արդիւնքներին, Խաթիբզադէն նշել է. «Ինտենսիւ եւ տեխնիկական խորհրդակցութիւնները դիւանագիտական լաւ արդիւնքներ են տւել, եւ դրանք տեղաւորւում են իսլ. խորհրդարանի բանաձեւի շրջանակում»:

Նշելով, որ ԱՄՆ-ին շահարկումների առիթ չենք տալու Խաթիբզադէն յաւելել է. «Համաձայն ձեռք բերւած պայմանաւորւածութեան, գործակալութիւնը մասնակի մոնիթորինգ կը շարունակի՝ առաւելագոյնը երեք ամիս»:

Իր ելոյթի ընթացքում ԱԳ Նախարարութեան պաշտօնական ներկայացուցիչն անդրադառնալով Միջուկային Գործարքին ՄԱՆ-ի հնարաւոր վերադառնալու հարցին նշել է. «Ջօ Բայդէնը պէտք է ընտրի՝ շարունակել նախորդ վարչակազմի ձախորդ քաղաքական ուղղին թէ վերադառնայ Միջուկային Գործարքով սահմանւած իր պարտաւորութիւններին»:

Խաթիբզադէն անդրադառնալով ԱԷՄԳ-ի հետ Իրանի յարաբերութիւններին նշել է, որ շարունակելու են կառուցողականութեանը ուղղւած քայլերի ձեռնարկումը:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։