Հա

Քաղաքական

01/03/2021 - 10:20

«Եւրոպական երեք երկրների եւ ԱՄՆ-ի հետ հանդիպման համար պահը յարմար չէ». ԱԳՆ խօսնակ

ԱՄՆ-ի եւ եւրոպական երկրների վերջին յայտարարութիւններով եւ դիրքորոշումներով պայմանաւորւած, կողմերի հետ ոչ պաշտօնական հանդիպման անցկացումը տեղին չենք համարում:

«alikonline.ir» - ԱՄՆ-ի եւ եւրոպական երկրների վերջին յայտարարութիւններով եւ դիրքորոշումներով պայմանաւորւած, կողմերի հետ ոչ պաշտօնական հանդիպման անցկացումը տեղին չենք համարում: Այս մասին երէկ՝ փետրւարի 28-ին, յայտարարել է ԱԳ Նախարարութեան պաշտօնական ներկայացուցիչ Սայիդ Խաթիբզադէն. հաղորդում է ԻՌՆԱ-ն:

ԱՄՆ-ի գործողութիւններում փոփոխութեան միտում չնկատելով, Խաթիբզադէն շեշտել է. «Այդ երկրի նոր իշխանութիւնները, Միջուկային Գործարքի եւ ՄԱԿ-ի ԱԽ 2231 բանաձեւի վերաբերեալ չեն արտայայտել իրենց հաւատարութեան դիրքորուշումը»:

Յստակեցնելով, որ Միջուկային գործարքն այլեւս բանակցութեան ենթակայ չէ. Խաթիբզադէն յաւելել է. «5 տարի առաջ տեղի են ունեցել բոլոր բանակցութիւնները, եւ վրայ է հասել գործողութիւնների ժամանակը: Այս փուլն, առհասարակ, բանակցութիւններ չի ենթադրում:

«Աւելի լաւ է ԱՄՆ-ն դադարեցնի իր միակողմանի քաղաքականութեան իրականացումը եւ վերադառնայ Գործարքով ստանձնած իր պարտաւորութիւններին»,- նշել է նա՝ յաւելելով, որ հետագայ անելիքների ուղին պարզ է. նրանք պէտք է վերադառնան Գործարքին:

«Բոլոր գործողութիւնները կը ստանան համարժէք արձագանգ»,- շեշտել է նա՝ նշելով, որ երկու դէպքում էլ ե՛ւ պատժամիջոցների վերացումը ե՛ւ հակառակը՝ կը ստանան Իրանի համարժէք պատասխանը:

Խաթիբզադէն աւելացրել է. «Մենք շարունակում ենք՝ երկկողմ եւ բազմակողմ արդիւնաւէտ համագործացութիւն ծաւալել Միջուկային գործարքի կողմերի եւ Գործարքի համակարգող Ժոզէֆ Բորէլի հետ:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։