Հա

Քաղաքական

02/03/2021 - 12:30

«ՄԱԳԱՏԷ-ի հետ համաձայնութեան կայացումն Իրանի բարի կամքի դրսեւորումն էր». Կառավարութեան խօսնակ

ՄԱԳԱՏԷ-ի հետ համաձայնութեան կայացումը դիւանագիտութեանը հնարաւորութիւն տալու հարցում Իրանի բարի կամքի դրսեւորումն էր: Այս մասին այսօր՝ մարտիի 2-ին յայտարարել է Կառավարութեան խօսնակ Ալի Ռաբիին:

«alikonline.ir» - ՄԱԳԱՏԷ-ի հետ համաձայնութեան կայացումը դիւանագիտութեանը հնարաւորութիւն տալու հարցում Իրանի բարի կամքի դրսեւորումն էր: Այս մասին այսօր՝ մարտիի 2-ին յայտարարել է Կառավարութեան խօսնակ Ալի Ռաբիին. հաղորդում է ԻՌՆԱ-ն:

«Ակնկալում ենք, որ ստանալով այս մեսիջը, Միջուկային գործարքի մասնակիցները կը կատարեն փոխադարձ քայլ՝ ցուցաբերելով փոխադարձ բարի կամքի դրսեւորում»,- ասել է Ռաբիին:

«Այսօր, երբ, ըստ ԱՄՆ նոր վարչակազմի պաշտօնեաների եւ աշխարհի բոլոր դիտորդների՝ ձախողւել է առաւելագոյն ճնշման քաղաքականութիւնը, Միացեալ Նահանգների համար այլ ելք չի մնում, քան վերադառնալ Միջուկային գործարք: Այս տարիների ընթացքում մենք հաւատրիմ ենք եղել մեր ստանձնած պարտաւորութիւններին, եւ հիմա ԱՄՆ-ին է մնում ապացուցել իր անկեղծութիւնը՝ հրաժարւելով աշխարհի ամենաանմարդկային պատժամիջոցներից»,- ասել է Կառավարութեան խօսնակը՝ յաւելելով, որ Իրանը բազմաթիւ երկրների պէս, տարաձայնութիւնների կարգաւորման համար նախապատւութիւնը տալիս է դիւանագիտութեանը: 

«Դիւանագիտութիւնը, սակայն, չի կարող կայանալ առանց բարի կամքի դրսեւորման: Մինչ օրս ԱՄՆ կառավարութիւնը հրաժարւել է կատարել նւազագոյն քայլ՝ փոխադարձ վստահութեան ամրապնդման համար»,- յստակեցրել է Ռաբիին:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։