Հա

Քաղաքական

15/03/2021 - 13:25

«ՄԱԳԱՏԷ-ի մեկնաբանութիւնները պէտք է լինեն տեխնիկական բնոյթի եւ անկողմնակալ». ԱԳՆ խօսնակ

ՄԱԳԱՏԷ-ի մեկնաբանութիւնները պէտք է լինեն տեխնիկական բնոյթի եւ անկողմնակալ: Այս մասին այսօր՝ մարտի 15-ին լրագրողների հետ շաբաթական հանդիպման ժամանակ յայտարարել է ԱԳ նախարարութեան պաշտօնական ներկայացուցիչ Սայիդ Խաթիբզադէն:

«alikonline.ir» - ՄԱԳԱՏԷ-ի մեկնաբանութիւնները պէտք է լինեն տեխնիկական բնոյթի եւ անկողմնակալ: Այս մասին այսօր՝ մարտի 15-ին լրագրողների հետ շաբաթական հանդիպման ժամանակ յայտարարել է ԱԳ նախարարութեան պաշտօնական ներկայացուցիչ Սայիդ Խաթիբզադէն. հաղորդում է ԻՌՆԱ-ն: 

Անդրադառնալով ՄԱԳԱՏԷ-ի գլխաւոր տնօրէն Ռաֆայէլ Գրոսիի վերջին յայտարարութիւններին, Խաթիբզադէն ասել է. «Իրանի միջուկայն գործողութիւնների վերահսկման հարցը տեխնիկական բնոյթի է: Իրանը երաշխիքների շրջանակում ապահովել է Գործակալութեան տեսչութիւներին անհրաժեշտ հասանելիութիւնը: Յաւելեալ հասանելիութիւնն էլ ապահովւել էր Լրացուցիչ արձանագրութիւնների շրջանակում, որը կասեցւեց խորհրդարանի որոշմամբ: Դիւանագիտական հնարաւորութեան եռամսեայ պատուհանի շրաջանակում կար եւս մէկ ժամանակաւոր համաձայնութիւն»: 

«Իրանի հետ յարաբերութիւնների պահպանման համար, ՄԱԳԱՏԷ-ի մեկնաբանութիւնները պէտք է լինեն տեխնիկական բնոյթի եւ անկողմնակալ»,- յստակեցրել ԱԳՆ մամլոյ խօսնակը: 

Անդրադառնալով Միջերկրական ծովում իրանական կոնտէյներակիր նաւի վրայ իրականացւած դիւերսիոն յարձակմանը, եւ դրանում Իսրայէլի հնարաւոր մասնակցութեանը, Խաթիբզադէն նշել է, որ այդ մասին յստակ եւ մասնագիտական մեկնաբանութիւնը պէտք է յայտնի ԶՈՒ ԳՇ-ն. «Այդուհանդերձ, այս դիւերսիոն գործողութեան աշխարհագրական դիրքը, բոլոր սլաքներն ուղղում է դէպի սիոնիստական ռեժիմը, իսկ այս ռեժիմի վայրագ բնոյթը եւս յաւելեալ պատճառ է»,- ասել է նա՝ յաւելելով. «Այս ռեժիմն իր գոյութիւնը պայմանաւորում է տարածաշրջանում ճգնաժամերով, պատերազմներով եւ անկայունութեամբ: Եթէ մեզ համար պարզ դառնայ, որ որեւէ երկիր ներգրաււած է այս գործողութեան մէջ, ապա կը քննարկենք բոլոր տարբերակները, եւ կօգտագործենք դրանք մեր արդար իրաւունքների պաշտպանութեան համար»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։