Հա

Քաղաքական

01/04/2021 - 09:00

«Բոլորս միասին՝ յանուն Իրանի վսեմութեան». Զարիֆը խօսել է Իրան-Չինաստան համագործակցութեան փաստաթղթի մասին

ԱԳ նախարար Մոհամմադ Ջաւադ Զարիֆն «Ինստագրամ»-ի իր էջում անդրադարձել է Իրան-Չինաստան 25-ամեայ համագործակցութեան փաստաթղթին՝ ներկայացնելով դրա հետ կապւած որոշ մանրամասնութիւններ։

«alikonline.ir» - ԱԳ նախարար Մոհամմադ Ջաւադ Զարիֆն «Ինստագրամ»-ի իր էջում անդրադարձել է Իրան-Չինաստան 25-ամեայ համագործակցութեան փաստաթղթին՝ ներկայացնելով դրա հետ կապւած որոշ մանրամասնութիւններ։

«Վստահ եմ բոլորս միասին, աշխարհի հետ ներառական, հաւասարակշռւած եւ համաչափ յարաբերութիւնների ընդլայնմամբ՝ միջազգային յարաբերութիւնների անցումային այս փուլում, կերաշխաւորենք մեր ազգային շահերը, Իրանի կայուն զարգացումն ու վսեմութիւնը, եւ մեր ժողովրդի բարօրութիւնը»,- գրել է նա՝ ներկայացնելով փաստաթղթի նպատակները, սկզբունքները եւ յատկութիւնները։

Զարիֆը վստահեցրել է, որ այս փաստաթուղթը որեւէ պարտաւորութիւն չի առաջացնում կողմերի համար, եւ միայն ընդգծում է երկկողմ յարաբերութիւնների հեռանկարը։

Նա շեշտել է, որ Կառավարութեան եւ Ազգային անվտանգութեան գերագոյն խորհրդի իրաւական մեկնաբանութեան հիման վրայ, իրաւական որեւէ պարտաւորութիւն չառաջացնելու նպատակով, այս փաստաթուղթը չի պահանջում Իսլ. խորհրդարանի հաստատումը, սակայն դրա ամբողջական օրինակը տրամադրւելու է խորհրդարանի նախագահին։

ԱԳ նախարարը վստահեցրել է, որ փաստաթղթով չի նախատեսւած որեւէ շրջանի յանձնումը միւս կողմին, կամ որեւէ ոլորտում բացառիկ իրաւունքի տրամադրումը։

Ըստ նրա՝ փաստաթղթում խօսք չկայ ռազմական ուժի տեղակայման եւ ռազմական յենակէտի տրամադրման մասին։

Զարիֆը նշել է, որ նման փաստաթղթերի ամբողջական հրապարակումը պահանջում է կողմերի համաձայնութիւնը, եւ դրանց չհանրայնացնումն ընդունւած ձեւաչափ է։

Նա վստահեցրել է, որ փաստաթուղթն ուղղւած չէ երրորդ կողմի դէմ, եւ նախատեսւած չէ մէկ այլ երկրի ներքին գործերին միջամտելու համար։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։