Հա

Քաղաքական

05/04/2021 - 08:40

«Եւրոպական երկրները պէտք է ցուցաբերեն կառուցողական մասնակցութիւն Վիեննայի հանդիպման ժամանակ». Զարիֆը՝ Ռաաբի հետ հեռախօսազրոյցի ընթացքում

ԱԳ նախարար Մոհամմադ Ջաւադ Զարիֆն ու Մեծ Բրիտանիայի ԱԳ նախարար Դոմինիկ Ռաաբը հեռախօսազրոյցի ընթացքում քննարկել են Միջուկային գործարքի շուրջ վերջին իրադարձութիւններն ու Միջուկային համապարփակ համաձայնագրի համատեղ յանձնաժողովի գալիք նիստը, որը կը կայանայ Վիեննայում:

«alikonline.ir» - ԱԳ նախարար Մոհամմադ Ջաւադ Զարիֆն ու Մեծ Բրիտանիայի ԱԳ նախարար Դոմինիկ Ռաաբը հեռախօսազրոյցի ընթացքում քննարկել են Միջուկային գործարքի շուրջ վերջին իրադարձութիւններն ու Միջուկային համապարփակ համաձայնագրի համատեղ յանձնաժողովի գալիք նիստը, որը կը կայանայ Վիեննայում. տեղեկացնում է ԻՌՆԱ-ն:

Դոմինիկ Ռաաբի նախաձեռնութեամբ կայացած հեռախօսազրոյցի ընթացքում Զարիֆը կրկին ընդգծել է Իրանի դէմ ԱՄՆ-ի անօրինական եւ անարդար պատժամիջոցները լիովին չեղարկելու անհրաժեշտութիւնը՝ շեշտելով, որ միայն այդ դէպքում պաշտօնական Թեհրանը կը վերսկսի Միջուկային գործարքով ստանձնած իր պարտաւորութիւնների կատարումը:

Մեր երկրի արտաքին քաղաքական գերատեսչութեանը ղեկավարը նաեւ կոչ է արել համաձայնագրի եւրոպական կողմերին կատարել գործարքի շրջանակում իրենց պարտաւորութիւններն ու ցուցաբերել կառուցողական մասնակցութիւն Վիեննայի հանդիպման ժամանակ:

Իր հերթին Դոմինիկ Ռաաբը յայտարարել է, որ Մեծ Բրիտանիան ջանքեր կը գործադրի բանակցութիւնների արդիւնաւորման համար:

Բարձրաստիճան դիւանագէտները նաեւ քննարկել են Թեհրանի ու Լոնդոնի միջեւ մի շարք քաղաքական եւ հիւպատոսական հարցեր:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։