Հա

Քաղաքական

20/04/2021 - 11:25

«Իրանական արտադրութեան պատւաստանիւթերի զանգւածային հասանելիութիւնը կապահովւի շահրիւար ամսից». Ղանէի

Շահրիւար ամսից շուկայ մուտք կը գործեն իրանական պատւաստանիւթերը: Այս մասին ԻՌՆԱ-ի հետ զրոյցում յայտնել է Կորոնավիրուսի դէմ պայքարի ազգային շտաբի գիտական խորհրդի անդամ Մոսթաֆա Ղանէին:

«alikonline.ir» - Շահրիւար ամսից շուկայ մուտք կը գործեն իրանական պատւաստանիւթերը: Այս մասին ԻՌՆԱ-ի հետ զրոյցում յայտնել է Կորոնավիրուսի դէմ պայքարի ազգային շտաբի գիտական խորհրդի անդամ Մոսթաֆա Ղանէին՝ անդրադառնալով կորոնավիրուսի պատւաստանիւթի զանգւածային հասանելիութեան ապահովման ծրագրին:

Նշելով, որ խորդադի վերջից կորոնավիրուսի իրանական պատւաստնիւթերը հասանելի կը լինեն հասարակութեանը, եւ աստիճանաբար կաւելանան դրանց խմբաքանակները, ինչպէս նաեւ՝ պատւաստման տեմպերը, դոկտ. Ղանէին ընդգծել է, որ այդ ծրագիրը կորոնավիրուսի պատւաստանիւթերի շուրջ ճգնաժամը յաղթահարելու նախաձեռնութիւններից մէկն է:

Ըստ դոկտ. Ղանէիի՝ նախնական փուլերում տեղական արտադրանքով պատւաստումները կիրականացւեն 3 իրանական ընկերութիւնների պատւաստանիւթերով, այդ թւում՝ Էմամի հրամանի կատարման շտաբի, պատւաստանիւթերի արտադրման եւ գիտահետազօտական Razi ընկերութեան, պաշտպանութեան նախարարութեան, ինչպէս նաեւ՝ Իրանի եւ Կուբայի համատեղ արտադրութեան պատւէրով՝ «Փաստոր» ընկերութեան պատւաստանիւթով:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։