Հա

Քաղաքական

22/05/2021 - 08:40

«Այս փորձութիւնը պաղեստինեան ժողովրդի հպարտութեան պատճառը դարձաւ». Իսլ. յեղափոխութեան առաջնորդ

Իսլ. յեղափոխութեան առաջնորդ, այաթ. Սէյէդ Ալի Խամենէին հանդէս է եկել յայտարարութեամբ՝ շնորհաւորելով Պաղեստինի դիմադրութեանը, սիոնիստական ռեժիմի հետ 12-օրեայ պատերազմում տարած յաղթանակի առիթով:

«alikonline.ir» -  Իսլ. յեղափոխութեան առաջնորդ, այաթ. Սէյէդ Ալի Խամենէին հանդէս է եկել յայտարարութեամբ՝ շնորհաւորելով Պաղեստինի դիմադրութեանը, սիոնիստական ռեժիմի հետ 12-օրեայ պատերազմում տարած յաղթանակի առիթով. հաղորդում է ԻՌՆԱ-ն:

Նշելով, որ այս փորձութիւնը պաղեստինեան ժողովրդի հպարտութեան պատճառը դարձաւ, Իսլ. յեղափոխութեան առաջնորդը վստահութիւն է յայտնել, որ պաղեստինցի երիտասարդների վճռակամութիւնը, հետեւողական եւ նպատակային պայքարը Պաղեստինին օրէցօր աւելի ուժեղ կը դարձնի, իսկ օկուպանտ թշնամուն՝ աւելի անզօր եւ տկար:

«Իսլամական աշխարհը լիովին պատասխանատու է պաղեստինեան դատի համար, եւ կրօնական պատասխանատւութիւն է կրում: Քաղաքական իմաստութիւնը եւ կառավարման փորձը նոյնպէս հաստատում եւ շեշտադրում են կրօնական այդ պարտաւորութիւնը: Մուսուլմանական պետութիւնները պէտք է անկեղծ լինեն Պաղեստին ժողովրդին սատարելու հարցում, լինի դա ռազմական հզօրացում, կամ ֆինանսական աջակցութիւն, որն այսօր առաւել, քան երբեւէ անհրաժեշտ է, կամ Գազայի ենթակառուցւածքների վերակառուցումը: Ազգերի պահանջն ու հետեւողականութիւնն այս կրօնական եւ քաղաքական ապահանջի կապիտալն է: Մուսուլման ժողովուրդները դա պէտք է պահանջեն իրենց կառավարութիւններից, իսկ ժողովրդներն իրենք եւս պարտաւոր են հնարաւորինս ֆինանսական եւ քաղաքական աջակցութիւն ցուցաբերել»,- ասւած է այաթ. Խամենէիի յայտարարութեան մէջ:

Իսլ. յեղափոխութեան առաջնորդը կարեւորել է սիոնիստական ռեժիմի պատժելու հարցը՝ նշելով. «Բոլոր արթուն խիղճերը ընդունում են, որ այս 12 օրւայ ընթացքում պաղեստինցի երեխաների եւ կանանց սպանութեան համատարած յանցագործութիւնը չպէտք է անպատիժ մնայ: Սիոնիստական ռեժիմի բոլոր ազդեցիկ դէմքերը եւ ոճրագործ Նեթանեահուն պէտք է հետապնդւեն եւ պատժւեն միջազգային եւ անկախ դատարանների կողմից: Եւ դա տեղի կունենայ Աստծոյ կամօք»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։