Print this page
23/05/2021 - 12:30

«Որքան էլ Էրդողանը «դոշ ծեծեց» պաղեստինցիների համար, իրական աջակցութիւն ցուցաբերողը հէնց Իրանն էր». Արթուր Դանիէլեան

«Ադեկվատ» կուսակցութեան ղեկավար Արթուր Դանիէլեանն իր ֆէյսբուքեան էջում գրել է. «ՀԱՄԱՍ-ի ղեկավարն իր ելոյթում գոհունակութիւն ու երախտագիտութիւն է արտայայտել Իրանի Իսլամական հանրապետութեանը Պաղեստինին զինամթերքով աջակցելու համար ուսա շատ կարեւոր դրւագ է մեր բոլորիս համար երկու պատճառով. նախ ակներեւ է, որ որքան էլ Էրդողանը «դոշ ծեծեց» պաղեստինցիների համար, իրական աջակցութիւն ցուցաբերողը հէնց Իրանն էր: Շիա Իրանը փաստացի ապահովեց սունի ՀԱՄԱՍ-ի յաղթանակը` զմրսելով սեփական դիրքերը որպէս իսլամական աշխարհի առաջնորդ:

«alikonline.ir» - «Ադեկվատ» կուսակցութեան ղեկավար Արթուր Դանիէլեանն իր ֆէյսբուքեան էջում գրել է. «ՀԱՄԱՍ-ի ղեկավարն իր ելոյթում գոհունակութիւն ու երախտագիտութիւն է արտայայտել Իրանի Իսլամական հանրապետութեանը Պաղեստինին զինամթերքով աջակցելու համար ու սա շատ կարեւոր դրւագ է մեր բոլորիս համար երկու պատճառով. նախ ակներեւ է, որ որքան էլ Էրդողանը «դոշ ծեծեց» պաղեստինցիների համար, իրական աջակցութիւն ցուցաբերողը հէնց Իրանն էր: Շիա Իրանը փաստացի ապահովեց սունի ՀԱՄԱՍ-ի յաղթանակը` զմրսելով սեփական դիրքերը որպէս իսլամական աշխարհի առաջնորդ: Այսուհետ հէնց Իրանն է լինելու աշխարհի մէկ միլիարդից աւել մահմեդականների «վարչութեան պետը», չնայած որ շիաներն այդ թւի տաս տոկոսն էլ չեն կազմում:

Միւս կարեւոր փաստն այն է, որ, չնայած Իսրայէլը շատ աւելի յուժկու հարւածներ է հասցրել ու զոհերով 1-ը 15-ին յարաբերակցութիւն ապահովել, այն միեւնոյն է պարտւել է: Իսրայէլը, յաղթելով ռազմական առումով, պարտւել է դիւանագիտական դաշտում ու, Վատիկանի ներկայացուցչի նշած ինքնասպանութեան չգնալու համար, յանձնւեց: Սրա մասին է վկայում նաեւ այն, որ հէնց Իսրայէլն էր խնդրել Եգիպտոսին, որ միջնորդի հրադադարի համար: CNN-ը նաեւ յայտնեց, որ Իսրայէլի վրայ հրադադարի հասնելու հարցում ճնշումներ է գործադրել ԱՄՆ նախագահ Բայդէնը: Այսինքն Իրանի միջուկային գործարքը սաբոտաժի ենթարկելու Իսրայէլի փորձը տապալւել է ԱՄՆ-ի եւ Իրանի համատեղ ջանքերով ու դրան չի խանգարել ոչ երրորդ կողմերի հետ դաշնային յարաբերութիւնները, ոչ էլ կրօնական տարաձայնությունները:

Իսկ մեր համար այս ամենը շատ կարեւոր է, քանի որ մեր հանդէպ թշնամանք տածող թուրքական աշխարհը էականօրէն զիջեց իր դիրքերը, մեր հանդէպ աւանդաբար բարիդրացիական հայացքով նայող Իրանին: Իսկ թուրքական պասիոնարութիւնը այսուհետ ուղղւելու է ոչ թէ գլոբալ թատերաբեմ, որտեղ նրանք զիջեցին Իրանին, այլ տարածաշրջանային մակարդակ՝ Կենտրոնական Ասիա եւ Ռուսաստան: Ռուսաստանի փրկութիւնն էլ կը լինի ոչ թէ Ադրբեջանին այլ Իրանին համոզելը ԵԱՏՄ լիիրաւ անդամ դառնալ:

Յ.Գ. փաստօրէն տեղեկատւական դարում էական չէ` ինչ որակի ու քանի հրթիռ ունես, եթէ դիւանագիտական քայլերդ չես կարում հաշւարկես, ուրեմն կործանւած ես: Հիմա շատ աւելի լաւ եմ հասկանում, թէ ինչու էին հուդայական կրօնական առաջնորդները միշտ քննադատում սիոնիստներին` յաճախ ցուցադրաբար միանալով պաղեստինցիներին եւրոպական տարբեր մայրաքաղաքներում: Խասիդները ճիշտ էին, իսկ գեներալները` սխալ»:

 

Յարակից լուրեր